Soltústik Qazaqstan men Shyǵys Qazaqstanda indet órship tur

NUR-SULTAN. QazAqparat – COVID-19 juqtyrǵandardyń kórsetkishi ózge óńirlerge qaraǵanda Soltústik Qazaqstan men Shyǵys Qazaqstanda joǵary bolyp otyr, dep habarlaıdy QazAqparat tilshisi.

«Búgingi tańda Qazaqstanda COVID-19 juqtyrǵan 65 188 adam tirkeldi. Onyń ishinde 32 248 - sımptomdyq jaǵdaı. 25 688 naýqas emin jalǵastyrýda. 39 066 adam saýyǵyp shyqty. 6-12 shilde aralyǵynda respýblıkada 11 325 jaǵdaı tirkelgen. Ótken aptamen salystyrǵanda sany 6,7 paıyzǵa ósken. Ótken táýlikte elimizde 1674 jańa jaǵdaı tirkeldi. Ósim – 2,6 paıyzdy quraıdy. Jańa jaǵdaılardyń kóbi Almatyda tirkelgen», - dedi QR DSM Taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraǵasy Tımýr Sultanǵazıev OKQ-da ótken baspasóz máslıhatynda.

Komıtet tóraǵasynyń aıtýynsha, bir apta ishinde syrqattanýshylyq deńgeıi 6,7% ósken. Ótken táýlikte bul kórsetkish 1 674 jaǵdaıdy (2,6%) quraǵan. Іndetti juqtyrǵandardyń basym bóligi Almaty qalasynda (219), Atyraý oblysynda (218) tirkelgen.

«Eń joǵary ósim Soltústik Qazaqstan (5,1%) jáne Shyǵys Qazaqstan (3,9%) oblystarynda baıqaldy», - dedi ol.