Soltústik Qazaqstan memlekettik ýnıversıteti «Arizona» ýnıversıtetine senimgerlik basqarýǵa berilmek

NUR-SULTAN. QazAqparat – Úkimet otyrysynda Bilim jáne ǵylym mınıstri Ashat Aımaǵambetov 2025 jylǵa qaraı sheteldik 5 joǵary oqý ornynyń fılıaldaryn ashý týraly Prezıdent tapsyrmasy qalaı iske asatynyn aıtty, dep habarlaıdy QazAqparat tilshisi.

«Biz bedeldi sheteldik ýnıversıtetterdiń fılıaldaryn ashý jumystaryn bastap kettik. Qazirgi ýaqytta elimizde «De Montfort Leicester» ýnıversıtetiniń fılıaly jumys isteı bastady. Halyqaralyq úlgidegi dıplom beriledi. Sondaı-aq, Soltústik Qazaqstan memlekettik ýnıversıtetin «Arizona» ýnıversıtetine senimgerlik basqarýǵa berý máselesi qarastyrylýda. Qazirgi ýaqytta «Arizona» ýnıversıtetimen birge memorandým jasadyq», - dedi vedomstvo basshysy.

Sondaı-aq, ol elimizdiń batys óńirlerinde eki sheteldik tehnıkalyq ýnıversıtettiń fılıaldary ashylatynyn eske saldy.

«Sondaı-aq, tehnıkalyq baǵyttar boıynsha Reseıdiń úzdik joǵary oqý oryndarynyń fılıaldaryn ashý boıynsha kelissózderdi bastap, júrgizip jatyrmyz jáne arnaıy úkimetarlyq kelisim daıyndadyq», - dedi mınıstr.

Aıta keteıik, Memleket basshysy Qasym-Jomart Toqaev Parlament Májilisiniń keshegi jalpy otyrysynda osyndaı tapsyrme bergen bolatyn.