Soltústik Karolınada polıtsııa qyzmetkeri qarýsyz adamǵa 6 ret oq atty

KONKORD. QazAqparat – Soltústik Karolına shtatynda qaıtys bolǵan azamattyń anasynyń advokattary qarýsyz adamǵa alty ret oq atqan polıtsııa qyzmetkerin jaýapqa tartýdy talap etedi, dep habarlaıdy QazAqparat tilshisi ABC News-ke silteme jasap.

29 jastaǵy Brendon Kombs aqpan aıynda kóz jumdy. Konkord qalasynda bolǵan bul oqıǵanyń vıdeosyn kórgen advokattar abdyrap qalǵandaryn málimdedi. Onda polıtsııa qyzmetkeri Tımotı Larsonnyń qarýsyz azamatty bes ret atyp, dıspetcherge qońyraý shalmaı kidirip, keıin kúdiktini taǵy bir márte atqany kórinedi.

Advokattardyń aıtýynsha, beınekameralardaǵy jazba ofıtser oq jaýdyrǵanǵa deıin Kombs pen ofıtser Larson arasynda janjal bolmaǵanyn kórsetedi. Vıdeoǵa Kombstyń polıtsııanyń jol talǵamaıtyn kóliginiń júrgizýshi ornyna otyrǵany, ony Larsonnyń jaıaý qýǵanynan qysqa úzindi túsip qalǵan.

Advokattar sheneýnikterdi vıdeony jarııa etip, polıtsııa qyzmetkerin negizsiz kúsh qoldanǵany úshin aıyptaýǵa shaqyrdy.