Soltústik Afrıkada koronavırýs jyldam tarap jatyr
Marokkoda kúnine 10 myńnan astam ınfektsııa anyqtaldy. 92 adam qaıtys boldy jáne 10 609 jańa COVID-19 ınfektsııasyn juqtyrý deregi tirkeldi. Eldegi naýqastanýdyń jalpy sany 687 292 faktige deıin ósti. Osy ýaqytqa deıin indet 10 255 adamnyń ómirin qıdy. Marokkoda COVID-19 vaktsınasynyń alǵashqy dozasyn 15 073 701 adam aldy, al 10 896 199 turǵyn vaktsınatsııany aıaqtady. Marokkalyqtarǵa Qytaıdyń Sinopharm korporatsııasy shyǵarǵan vaktsına egildi.
Eýropalyq Odaq koronavırýspen kúreste maqsatqa jetkenin aıtady. Shilde aıynda eresek turǵyndardyń 70%-y vaktsınanyń kem degende bir dozasyn aldy, al 57% -y COVID-19-dan tolyq qorǵalǵan. Nátıjesinde jalpy ımmýnıtet belgilengen deńgeıge jaqyndady. Eýropalyq Komıssııanyń tóraǵasy Ýrsýla fon der Leıen muny jaqsy jańalyq dep atady.
«Bul sandar Eýropany álemdik kóshbasshylardyń qataryna qosady. Biz basqalardan artta qalǵan joqpyz, biraq kúsh salýdy jalǵastyrýymyz kerek. Delta nusqasy óte qaýipti. Sondyqtan men múmkindigi bar kez-kelgen adamdy óz densaýlyǵy úshin jáne basqalardy qorǵaý úshin vaktsınatsııalaýǵa shaqyramyn», - dedi ol.