Soǵystar men qaqtyǵystar ıdeologııasyn toqtatý kerek – Prezıdent

ASTANA. QazAqparat – Memleket basshysy Qasym-Jomart Toqaev adamdarǵa ortaq máselelerdi birge talqylap, onyń sheshimin birlesip tabý kerektigin aıtty, dep habarlaıdy QazAqparat tilshisi.

Memleket basshysy Astana halyqaralyq forýmynda CNN jýrnalısi, forým moderatory Rıchard Kvestiń dıalogqa shaqyratyn ashyqtyq pen tózimdilik týraly suraǵyna jaýap berdi.

«Eń áýeli adamdardyń ál-aýqatyna áser etetin problemalardyń túp-tamyryn anyqtaýymyz kerek. Shyn máninde, álem boıynsha qarapaıym adamdardyń ómiri kúrdelene tústi jáne biz muny moıyndaýymyz kerek. Ekinshiden, tek taqyrypqa mán berýdiń qajeti joq, biz tereńinen qarastyrýymyz tıis. Ortaq máselelerdi birge talqylap, onyń sheshimin tabýymyz kerek. Meniń kózqarasym boıynsha dıalog, pikir almasý jáne ashyqtyq basym bolǵany jón. Soǵystar men qaqtyǵystar ıdeologııasyn toqtatý kerek», - dedi Qasym-Jomart Toqaev Astana halyqaralyq forýmynda moderatordyń saýalyna jaýap bere turyp.

Buǵan deıin Memleket basshysy ózara adaldyq tanytý arqyly ǵana halyqaralyq qoǵamdastyq bizdiń problemalarymyzdy sheshe alatynyn aıtqan edi.

Aıta keteıik, elordada Astana halyqaralyq forýmy ótip jatyr.