Soǵysta iz-túzsiz ketip, Slovenııada jerlengen qazaq soldatynyń týystary tabyldy
«Ózderińiz biletindeı, Syrtqy ister mınıstriniń orynbasary Roman Vasılenkonyń basshylyǵyndaǵy delegatsııa birneshe apta buryn Slovenııaǵa baryp, Kasse Sebero esimdi beımálim qazaqstandyq jaýyngerdiń beıitine gúl shoqtaryn qoıǵan bolatyn. Búgin tańerteń ol jaýyngerdiń týystary bizben baılanysqa shyqty. Qurmetti tilshiler, sizderdiń arqalaryńyzda biz ol jaýyngerdiń týystaryn taýyp aldyq», - dedi búgingi brıfıng barysynda QR SІM resmı ókili Aıbek Smadııarov.
Onyń aıtýynsha, jaýyngerdiń esimi - Qasym Jaqypov. Soltústik Qazaqstan oblysynyń týmasy. 1943 jyly aqpanda iz-túzsiz ketken.
«Ol burynǵy ıÝgoslavııa - búgingi Slovenııa aýmaǵynda partızandyq otrıadtarda soǵysqan. 20 qazan kúni ókildik delegatsııa Slovenııaǵa baryp, jaýyngerdiń rýhyna qurmet kórsetip, beıitke Qazaqstan jeriniń topyraǵyn sebedi. Eń qyzyǵy, jaýyngerdiń nemereleriniń birin atasynyń qurmetine Qasym dep ataǵan eken. Meniń oıymsha, olar jaqyn arada Astanaǵa keledi. Týystary bizge atalarymen jazysqan hattarynyń kishkentaı kóshirmesin jiberdi. Sarbaz mýzykalyq aspaptarda, atap aıtqanda qobyzda oınaǵan. Bir qyzyǵy, atadan qalǵan qobyz týystarynda áli kúnge saqtaýly tur», - deıdi Aıbek Smadııarov.