Soǵysqa qatysqan birde-bir maıdanger eskerýsiz qalmaýy tıis - QR ardagerleriniń uıymy
dep habarlaıdy QazAqparat.
«QR ardagerleriniń uıymy» qoǵamdyq birlestigi Ortalyq keńesiniń uıymdastyrýymen ótken plenýmǵa uıym ókilderi, qorǵanys vıtse-mınıstri Bolat Sembın jáne QR eńbek jáne halyqty áleýmettik qorǵaý vıtse-mınıstri Ásel Núsipova qatysty.
«Bizdiń mindetimiz - osy dańqty merekege ázirlik barysynda barlyq máselege muqııat nazar aýdarý bolmaq. Soǵysqa qatysqan birde-bir maıdanger eskerýsiz qalmaýy tıis», - dedi Ardagerler uıymy tóraǵasynyń orynbasary Bekbolat Muqyshev.
Barlyq merekelik sharalar uıymnyń baqylaýymen ótedi, onyń quramynda qalalyq ardagerler keńesiniń ókilderi, ishki ister, densaýlyq saqtaý, jumyspen qamtý jáne áleýmettik baǵdarlamalar, bilim, mádenıet jáne turǵyn úı-kommýnaldyq sharýashylyq bólimderiniń mamandary bar. Keńeste usynylǵan málimetter boıynsha, mamyrdyń 9-yna deıin 750 soǵys ardagerine jańa páterler berilmek. Ardagerlerdiń TMD elderine barýyna jáne birjolǵy járdem kórsetiledi.
«Memleket basshysy birde-bir soǵys ardageri, olardyń jesirleri jáne tyl eńbekkerleri ózderin memleket nazarynan tys qalyp, umytylǵan jandaı sezinbeýi tıis ekenin aıryqsha atap aıtty. Osyǵan baılanysty ardagerlerge syı-qurmet kórsetý men marapattaý, barlyq maıdangerlerdi baspanamen qamtamasyz etý, sondaı-aq turyp jatqan baspanalaryna jóndeý jumystaryn jasaý, olarǵa qoljetimdi ári sapaly medıtsınalyq kómektiń barlyq túrlerin kórsetý, temir jol men áýe kóliginde jeńildikti jáne tegin jol júrýlerin qamtamasyz etý turǵysynda biryńǵaı sharalardy ázirleýge baılanysty uıymdastyrýshylyq sharalar bizdiń belsendi qatysýymyzben ótýi tıis», dep atap kósetti B. Muqyshev.