Soǵysqa daıyn elder ıadrolyq qarýdan bas tartý jigerin joǵalta bastady - Nazarbaev
«Jýyrda ǵana orta jáne shaǵyn qashyqtyqtaǵy raketalardy joıý týraly kelisimniń kúshin joıýy – jahandyq ári aımaqtyq qaýipsizdikke jasalǵan úlken soqqy boldy. Osy qadam búkil Eýrazııa aýmaǵynda baqylanbaıtyn mılıtarızatsııaǵa jol berdi. Óz kezeginde soǵysqa daıyn elder ıadrolyq qarýdan bas tartý jigerin joǵaltýda. Olar ıadrolyq qarýdy óz qaýipsizdigi men egemendiginiń kepili dep bilip otyr», - dedi Nursultan Nazarbaev Astana Club otyrysynda.
Elbasy munyń aldynda Eýrazııadaǵy geosaıası jaǵdaıǵa áserin tıgizetin qaýip-qaterdi ataǵan bolatyn.
Aıta ketsek, elordada QR Tuńǵysh Prezıdenti – Elbasy Nursultan Nazarbaevtyń qatysýymen elordada Astana Club otyrysy ótip jatyr. Kezekti basqosýǵa álemniń 23 memleketinen geosaıasat, ekonomıka men halyqaralyq qatynastar salasynyń mańdaıaldy sarapshysy retinde moıyndalǵan 50-den astam halyqaralyq spıker qatysýda. Qurmetti meımandardyń qatarynda - 3 burynǵy memleket basshysy, 5 eks-premer-mınıstr, 10 mınıstr jáne Nobel syılyǵynyń laýreaty bar.