Soǵys jyldaryndaǵy ánder jańasha shyrqalady - «Qazaqstan» ulttyq arnasy
Estelik kontsert qazaqstandyq estrada juldyzdary men Qazaqstan Respýblıkasynyń Qorǵanys mınıstrliginiń áskerı orkestriniń qatysýymen ótkiziledi. Іs-sharany uıymdastyrýshylardyń pikirinshe, «kontsert 1941-45 jyldardaǵy soǵysta jaýyngerlerdiń qaharmandyq erlikterine degen qurmet jáne jastardyń boıynda patrıottyq rýhty tárbıelep, kúsheıtýge arnalǵan». Kontsert 30 sáýir kúni saǵat 15.00-de «Qazmedıa ortalyǵynyń» kontsert zalynda bolady. Televızııalyq nusqasyn 9 mamyr kúni saǵat 21.00-de «Qazaqstan» telearnasynan kórýge bolady. Bul týraly «Qazaqstan» respýblıkalyq teleradıokorporatsııasynyń baspasóz qyzmeti habarlaıdy.
«Qazaqstan» telearnasynyń júrgizýshileri, otandyq tanymal oryndaýshylar Erlan Rysqalı, Qurmash Mahanov, Dáýren Seıitjan, Jubanysh Jeksenuly, Baqyt Shadaeva, Móldir Áýelbekova, Erlan Kókeev, Álisher Kárimov, Tamara Asar, Dosymjan Tańatarov, Rústem Nurjigitov, Qazaqstannyń halyq ártisteri Nurǵalı Núsipjanov, Eskendir Hasanǵalıev Jeńiske arnalǵan áskerı jyldardaǵy ánderdi jańasha kórkemdik beıimdeýmen oryndaıdy.
«Kesteli oramal», «Temnaıa noch», «Jýravlı», «V zemlıanke», «Álııa», «Den Pobedy», «Plıaska», «Soldatskaıa polka», «Pobednaıa plıaska», «Sarbazdar», «Bolmasyn soǵys», «Aq kógershin», «Jas qazaq», «Saǵadat», «Beıbit kún tilegi», «Men senderdi izdeımin» - bul óleńder halyq arasyna tanylyp qana qoımaı, jaýyngerlerge úmit syılaǵan, beıbitshilik ornaıtynyna senim arttyrǵan ánder. Bul óleńder jaýyngerlerdi jeńiske jetýge qanattandyryp, jeńistiń aq tańy atqanǵa deıin jaýyngerlermen birge qan keshken óshpes ánder...
Osylaısha, merekelik kontserttiń uıymdastyrýshylary soǵys ardagerlerine jyly estelikter keshin syılasa, QR Qorǵanys mınıstrliginiń áskerı bı ansambli jáne orkestri merekelik kontserttiń shyraıyn kirgizedi.