Soǵys ardagerlerine bir rettik kómek berý úshin bıýdjetten 2,3 mlrd teńge bólindi
«Árıne, áleýmettik salada árdaıym suraqtardyń týyndaı beretini túsinikti. Ony Úkimet músheleri baqylaýǵa alyp, óńirlerdegi barlyq suraqtar taldanyp, sharýalar júzege asyrylatyn bolady. Aldymyzda Otan qorǵaýshylar men Jeńis kúni kele jatyr. Elimizde 1400-den astam soǵysqa (Ekinshi dúnıejúzilik soǵysqa) qatysqan azamat bar. Olarǵa beriletin bir rettik kómek úshin 2,3 mlrd teńge bólinedi», - dedi Úkimet basshysynyń orynbasary Gúlshara Ábdiqalyqova Úkimettiń baspasóz ortalyǵyndaǵy baspasóz máslıhatyn túıindeı otyryp.
Aıta ketsek, Úkimettiń baspasóz ortalyǵynda Berdibek Saparbaev 160 myń otbasyǵa ataýly áleýmettik kómek taǵaıyndalǵanyn málim etken bolatyn. Onyń aıtýynsha, ol shamamen - 806 myńdaı halyq. Berilgen talaptarǵa saı kelmegendikten, 10 myń otbasyǵa AÁK taǵaıyndalmaǵan.
Atalmysh baspasóz máslıhatynda Elbasynyń «Áleýmettik qamqorlyq» jańa áleýmettik sharalarynyń negizgi baǵyttaryn túsindirý boıynsha óńirlerge jasaǵan jumys saparlary qorytyndylandy.