Soǵys ardagerleri respýblıka, oblys ishinde, sondaı-aq TMD boıynsha tegin jol júrý múmkindigin aǵymdaǵy jyldyń aıaǵyna deıin paıdalana alady
dep habarlaıdy QazAqparat.
«Soǵys ardagerleri men qatysýshylarynyń Astana, Máskeý qalalaryna, Uly Otan soǵysynyń 65-jyldyǵyn merekeleýge arnalǵan is-sharalarǵa áýe nemese temirjol kóligimen, TMD elderi boıynsha temirjol nemese áýe kóligimen jol júrýge, sondaı-aq Qazaqstan Respýblıkasynyń aýmaǵy boıynsha bir ret jol júrý, oblys ishindegi qatynas boıynsha jolaýshylar avtobýsymen tórt ret jol júrý, mamyr aıy ishinde qalaishilik qatynas boıynsha jolaýshylar avtobýsymen tegin jol júrý jeńildikteri beriletin bolady. 71 adam, onyń ishinde 32 soǵysqa qatysýshy men olarǵa birge ilesip júretin 39 adam Máskeý qalasyndaǵy sherýge qatysý úshin tegin jol júrý bıletteri, tamaqtaný jáne qonaqúıde turý shyǵystaryn óteý túrindegi áleýmettik qoldaýmen qamtylady. Bul oraıda, Astana qalasyndaǵy merekelik sharalarǵa qatysatyn soǵysqa qatysýshy 170 adam men birge ilesip júretin 38 adam da osyndaı qoldaý alatyn bolady. Buǵan qosa, soǵysqa qatysýshylar óziniń qalaýymen, respýblıka, oblys ishinde, sondaı-aq TMD boıynsha tegin jol júrý múmkindigin bıylǵy jyldyń aıaǵyna deıin paıdalana alady», dedi mınıstr.
Onyń aıtýnysha, bıznestiń áleýmettik jaýapkershiligi sheńberinde ardagerlerdi qosymsha áleýmettik qoldaýǵa arnalǵan sharalar da qamtylady. Máselen, bul baǵytta 205 myń ardagerge - birjolǵy materıaldyq kómek kórsetý, turǵyn úı kezeginde turǵan 750 ardagerge - turǵyn úı bólý, 26 myńnan astam ardagerge - qalaishilik, qala mańyndaǵy, halyqaralyq kólikpen jol júrý jeńildigin berý, dári-dármek jeńildigin qamtamasyz etý sekildi sharalar qarastyrylǵan.