Soǵys ardagerleri qoǵam tarapynan árqashan qamqorlyq pen qurmet sezinýleri kerek - Pavlodar oblysynyń ákimi

PAVLODAR. Sáýirdiń 2-si. QazAqparat /Vera Lıvıntsova/ - Pavlodar oblysynda Uly Otan soǵysy ardagerleriniń barlyǵy kommýnaldyq qyzmet shyǵyndarynyń tolyq ótemaqysyn alady,

ardagerler Jeńis merekesin jóndeýden ótkizilgen páterlerinde qarsy alady. Aýdandar men basqarmalardyń basshylary oblys ákimi Baqytjan Saǵyntaevqa osyny baıan etti.

Pavlodarda ardagerlerge arnalǵan úıdiń qurylysy júrip jatyr, ol úıden úı jaǵdaıyn jaqsartýǵa kezekte turǵan 92 ardager páter alady. Ekibastuzda da segiz ardager úshin jaıly páterler satyp alynbaq.

Oblys ákimdiginde bolǵan keńeste Uly Jeńis mereıtoıyna ázirliktiń barysy, onyń ishinde ortalyq kóshelerdi merekege saı bezendirý, qaza tapqan jaýyngerlerdiń zırattaryna baryp qaıtýlary úshin olardyń týystarynyń joldaryna aqsha bólý máseleleri talqylandy.

«Ardagerler qoǵam tarapynan qamqorlyq pen qurmetti tek mereke kúnderi ǵana emes, árqashanda da sezinýleri kerek», dedi oblys ákimi óz sózinde.