Soǵys ardagerine medal 70 jyldan soń tapsyryldy
08:19, 19 Aqpan 2015
ASTANA. QazAqparat - Uly Otan soǵysynyń ardageri Lev Krymskıı marapattalǵannan 70 jyl ótken soń «Erligi úshin» jaýyngerlik medalin aldy. Bul týraly RIA Novostı Reseı mádenı ortalyǵynyń derekterine silteme jasap habarlady.
Ardager 1995 jyldan bastap Izraılde turady. Nagradany tabystaýǵa Haıfedegi RF bas konsýly Alekseı Sentebov el soltústigindegi Natseret-Illıt qalasyna keldi.
98-shi gvardııalyq atqyshtar Svırskıı dıvızııasynyń qyzyl áskeri Lev Krymskıı 1945 jylǵy 23 naýryzda vengrııalyq Vesprem qalasynda shaıqasqa qatysyp «qarsy jaqtyń úsh sarbazy men bir ofıtserin óltirgeni úshin» marapattalǵan. Ol kezde Lev jaralanyp, gospıtalǵa jatqyzylǵan.
Bıyl ardager 90 jasqa tolady.