Soǵys ardageri: Bir atanyń balasyndaı, beıbitshilikte ǵumyr keshińder
Ysqaq Álpeıisuly maıdanǵa óz erkimen 1942 jyly attanyp, Otan aldyndaǵy boryshyn Amýr áskerı-teńiz flotynda ótegen. «Áskerı-teńiz flotynyń úzdigi» ataǵyn alǵan. Ardagerdiń soǵystaǵy da, beıbit ómirdegi de marapattary birshama. ІІ dárejeli Otan soǵysy, Eńbek Qyzyl Tý ordenderi, «Eńbek Eri» medali jáne basqa da marapattary bar.
«Halyq aǵartý isiniń úzdik qyzmetkeri» atanǵan, óıtkeni ardager ómiriniń kóp bóligin urpaq tárbıesine arnap, 1952 jyldan beri bilim berý salasynda jemisti eńbek etken.
«Eń bastysy, bir atanyń balasyndaı bolyp, beıbitshilikte ǵumyr keshińder. Bir-birińdi syılańdar. Birlik bolsa, bári bolady», - dep qart maıdanger batasyn berdi.
Eske salsaq, Jetisý oblysynda turatyn Uly Otan soǵysynyń qatysýshylary men tyl eńbekkerleriniń jalyp sany – 2309, sonyń segizi – maıdanger. Olardyń bárine Jeńis kúnine oraı jalpy somasy 156,7 mln teńge bolatyn materıaldyq kómek berildi.
Jeńis kúnine oraı «Taldyqorǵan» ıppodromynda ulttyq at sporty túrlerinen jarystar uıymdastyrylýda. Alaman báıge, top báıge, qunan báıge, jorǵa jarys sııaqty jarystarǵa 100-den astam qatysýshy nıet bildirgen. Báıgelerdiń jalpy júlde qory – 18 mln. teńge.