Sofıa Berýltseva Tokıo Olımpıadasynyń qola júldegeri atandy

TOKIO. QazAqparat - Tokıo Olımpıadasynda qazaqstandyq Sofıa Berýltseva (61 keli) karate-dodan jartylaı fınalda qarsylasy anyqtaldy, dep habarlaıdy QazAqparat tilshisi.

Kezdesýde eki sportshy da jeńiske jetý jolyn izdedi. Sofııanyń da belsendiligi baıqalyp turdy. Kezdesýde mysyrdyq sportshy 5:4 esebimen jeńiske jetip, fınalǵa joldama aldy.

Qarsylasy - Ferıal Ábdelázız 1999 jyly dúnıege kelgen. 2018 jyly álem chempıonatynda qola júldeger atanǵan. 2019 jyly Afrıka oıyndarynda kúmis júldeger boldy.

Ferıal Ábdelázız V tobynda synǵa tústi. Eki jeńis, bir teń oıyn, bir jeńilispen bes upaı jınap, tobynda birinshi oryn aldy.

Al Sofıa Berýltseva 2000 jyly dúnıege kelgen. Ázirge halyqaralyq deńgeıde tabysqa qol jetkize qoıǵan joq.

Eske salsaq, ol tórt jekpe-jek ótkizdi. Onyń ekeýinde Sılvııa Semerarony, ázerbaıjandyq Irına Zaretskaıany jeńse, túrkııalyq Meltem Hodjaoǵlymen teń túsip, japonııalyq Aıýmı Ýekýsaǵa ese jiberdi.

Osylaısha bes upaımen A tobynda ekinshi oryn aldy.

Eske salsaq, buǵan deıin Qazaqstan sportshylary jeti qola medal aldy. Olardyń qatarynda dzıýdoshy Eldos Smetov, aýyr atletter Igor Son men Zýlfııa Chınshanlo, boksshylar Qamshybek Qońqabaev, Sáken Bıbosynov, palýan Nurıslam Sanaev pen karateshi Darhan Asadilov bar.

Foto: olympic.kz