Sodyrlardyń túpki oıy talqandaý boldy - Prezıdent

NUR-SULTAN. QazAqparat – Qazaqstandaǵy sońǵy oqıǵalar biryńǵaı talqandaý túpki oıyna baǵyndyrylǵan. Bul týraly UQShU Ujymdyq qaýipsizdik keńesiniń kezekten tys sessııasynda QR Prezıdenti Qasym-Jomart Toqaev málim etti, dep habarlaıdy QazAqparat tilshisi.

Memleket basshysy elimizdegi jaǵdaıdyń tolyq kórinisi aıqyndalǵanyn aıta kele, bıyldyń basynan bergi barlyq oqıǵa bir tizbektiń býyndaryn quraıtynyn jetkizdi.

«Olar biryńǵaı talqandaý túpki oıyna baǵyndyrylǵan. Osyǵan daıyndyq uzaq ýaqyt boıy júrgizilgen. Endi osy daıyndyq qanshalyqty uzaq júrgizildi? ıAǵnı bir jyl, eki nemese úsh jyl ma? Onyń barlyǵyn tergeý amaldary kórsetedi», - dedi Prezıdent.

Aıta keteıik, búgin UQShU Ujymdyq qaýipsizdik keńesiniń kezekten tys sessııasy ótip jatyr. Jıyn Qazaqstan tarapynyń bastamasymen shaqyryldy.

Eske salaıyq, QR Prezıdenti Qasym-Jomart Toqaev UQShU múshe elderdiń basshylarynan el aýmaǵyndaǵy terrorıstik qaýipti eńserý úshin Qazaqstanǵa kómek kórsetýdi suraǵan bolatyn.