Sodyrlar men olarǵa kómek kórsetkenderdi jazaǵa tartý kerek – Memleket basshysy

NUR-SULTAN. QazAqparat – Arnaıy tergeý toby tragedııanyń barlyq sebebi men mán-jaıyn ashýy kerek. Búgin Parlament Májilisiniń jalpy otyrysynda Memleket basshysy Qasym-Jomart Toqaev osylaı málim etti, dep habarlaıdy QazAqparat tilshisi.

Memleket basshysy elimizdegi beıbit turǵyndarǵa qarsy qylmystarǵa qatysty sodyrlar men olarǵa kómek kórsetkenderdi anyqtap, jazaǵa tartý kerektigin qadap aıtty. Sonymen qatar lańkestik shabýyldardyń artynda kim turǵanyn tyńǵylyqty anyqtaý óte mańyzdy bolyp tur.

Munymen qosa Prezıdent sodyrlar men olardyń komandalyq pýnktiniń qyzmeti ne sebepti memlekettiń nazarynan tys qalǵanyn egjeı-tegjeıli tekserý kerek ekenin aıtty.

«Ne sebepti elimizdiń aýmaǵynda osynshama zańsyz qarý men arnaıy quraldar tabyldy? Nege terrorızm nysandaryn anyqtaý men beıtaraptandyrý boıynsha agentýra jumysy júrgizilmedi?», - dedi Memleket basshysy.

Osy oraıda Qasym-Jomart Toqaev arnaıy tergeý toby sapaly ári tolyq kólemde óz jumysyn atqaryp, tragedııanyń barlyq sebebi men mán-jaıyn ashýy kerek ekenin tapsyrdy.