Sodyrlar «Qazaqtelekom» keńselerine shabýyl jasaǵan
15:04, 11 Qańtar 2022
ALMATY. QazAqparat - Lańkester «Qazaqtelekom» ulttyq baılanys operatorynyń keńselerin basyp almaq bolǵan. Bul týraly «Qazaqtelekom» AQ basshysy Qýanyshbek Esekeev málimdedi, dep habarlaıdy QazAqparat tilshisi.
«Almatyda jáne basqa qalalarda ornalasqan keńselerimizge buqaralyq baılanys quraldaryn tartyp almaq bolǵan teris pıǵyldy sodyrlar shabýyl jasady. Bizdiń qyzmetkerler destrýktıvti elementterge qarsy tura aldy jáne barlyq júıelerdiń úzdiksiz jumysyn qamtamasyz etti», - dedi ol.
Qazirgi ýaqytta «Qazaqtelekom» ádettegideı jumysyn jalǵastyrýda.
Eske salsaq, lańkester Almatydaǵy Ortalyq memlekettik murajaı men Ulttyq kitaphanaǵa shabýyl jasaǵanyn, sondaı-aq, Almatydaǵy halyqaralyq áýejaıdy basyp alýǵa 800 adam qatysqanyn habarlaǵan bolatynbyz.