«Sotsıalıstik eńbek eri» ataǵyna ıe azamattardyń járdemaqysy eki ese artady
«Áleýmettik ádilettilikti qamtamasyz etý úshin UOS ardagerleri qataryndaǵy «Sotsıalıstik eńbek eri» sanatyndaǵy azamattar men «Sotsıalıstik eńbek eri» ataǵy bar azamattarǵa beriletin járdemaqyny 74,96 AEK-ten 138 AEK-ke deıin arttyrý usynyldy. Bul rette 2019 jyldyń 1 sáýirinen bastap «Qazaqstannyń Eńbek eri» ataǵyna ıe azamattar úshin 138 AEK (385 myń teńge) kóleminde járdemaqy baryn atap ótý kerek. Alaıda «Qazaqstannyń Eńbek eri» men «Sotsıalıstik eńbek eri» ataǵyna ıe azamattar alyp júrgen tólemniń aıtarlyqtaı aıyrmashylyq baıqaldy», - dedi OKQ-da ótken baspasóz máslıhatynda QR Eńbek jáne halyqty áleýmettik qorǵaý vıtse-mınıstri Erlan Áýkenov.
Onyń aıtýynsha qazirgi ýaqytta elimizde «Sotsıalıstik eńbek eri» ataǵyna ıe 75 azamat bar.
Aıta ketsek buǵan deıin Erlan Áýkenov Qazaqstanda ardagerlerdiń jańa sanattaryna engen azamattarǵa qandaı járdemaqy beriletinin aıtyp bergen bolatyn. Ardagerlerdiń jańa sanattaryna engen azamattarǵa aı saıyn 4,8 AEK kóleminde, ıaǵnı 13 435 teńgelik arnaıy memlekettik járdemaqy taǵaıyndaý usynylyp otyr. Sonymen qatar olarǵa buryn kórsetilip kelgen jeńildikter men kepildikter kúshinde qalady