Sochıde TMD Memleket basshylary keńesiniń otyrysy ótedi

ASTANA. QazAqparat - 11 qazan kúni Sochı qalasynda (Reseı Federatsııasy) Táýelsiz Memleketter Dostastyǵy Memleket basshylary keńesiniń kezekti otyrysy ótedi. Onda saıası, ekonomıkalyq jáne mádenı-gýmanıtarlyq salalardaǵy, sondaı-aq Dostastyq qyzmetiniń basqa da negizgi baǵyttary boıynsha yntymaqtastyqty odan ári damytýǵa baǵyttalǵan kóptegen máseleler qaralady. Bul jaıly «QazAqparat» HAA TMD Atqarý komıtetiniń resmı saıtyna silteme jasap habarlaıdy.

Shaǵyn formatta Dostastyq aıasyndaǵy árekettestik týraly pikir almasý, Táýelsiz Memleketter Dostastyǵy tóraǵalyǵy jáne TMD Memleket basshylary keńesiniń kezekti otyrysyn ótkizý kúni men ornyn anyqtaý máselelerin talqylaý josparlanyp otyr.

Keńeıtilgen otyrysta ekonomıka, mádenı-gýmanıtarlyq, qorǵanys saıasaty, syrtqy shekaralardy qorǵaý, lańkestikke qarsy qımyl salalaryndaǵy ózekti máseleler talqylanyp, sondaı-aq Dostastyqty qazirgi zamannyń jańa syndaryna beıimdeýge baǵyttalǵan jobalar qaralady.