Smaıylov Ulytaý óńirin damytýǵa qatysty: Úkimetke qatysty máselelerdi sheshemiz

ASTANA. QazAqparat – Premer-Mınıstr Álıhan Smaıylov Ulytaý oblysyna sapary kezinde ákimdikke óńirdiń salyq bazasyn nyǵaıtýdy tapsyrdy, dep habarlaıdy QazAqparat tilshisi.

«Ulytaý oblysy derbes qurylýyna baılanysty aldaryńyzda úlken mindet tur. Bul – ónerkásipti, ındýstrııany jáne óńirdiń menshikti salyq bazasyn damytý. Óıtkeni óńirdiń ári qaraı áleýmettik-ekonomıkalyq damýy úshin sizderge aqsha kerek, bıýdjet kerek. Sondyqtan ınvestorlardyń jobalardy iske asyrýyna qoldaý kórsetý óte mańyzdy», - dedi Úkimet basshysy.

Sondaı-aq ol óńirdi damytý jolynda Úkimetke baılanysty máselelerdi sheshýge ýáde berdi.

«Úkimetke baılanysty máselelerdi biz sheshemiz. Naqty aıtsaq, gaz kerek bolsa, beremiz. Ken barlaýǵa ruqsa kerek pe, beremiz. Investıtsııalyq jobalardyń sanyn arttyrý kerek. Kásipkerlerdiń bastamalaryn barynsha eskerý qajet. Sol arqyly olardy óńir ekonomıkasyna aqsha salýǵa yntalandyrý mańyzdy. Óńirdiń damý dınamıkasy osyǵan baılanysty bolady», - dedi Álıhan Smaıylov.

Aıta keteıik, Úkimet basshysy óńirge sapary barysynda bıyl Jezqazǵan-Qyzylorda jolynyń 65 shaqyrymyn paıdalanýǵa berý kózdelgenin aıtty.