Smaıylov Shell kompanııasymen Qarashyǵanaq pen Qashaǵan ken oryndaryn ıgerý máselesin talqylady

ASTANA. QazAqparat - QR Premer-Mınıstri Álıhan Smaıylov Shell kompanııasynyń barlaý jáne óndirý jónindegi dırektory Zoı ıÝnovıchpen kezdesti, dep habarlaıdy QazAqparat.

Kezdesýde Qarashyǵanaq jáne Qashaǵan ken oryndaryn ıgerýdiń ózekti máseleleri, gaz óńdeý jáne munaı-gaz hımııasy salalaryndaǵy jobalardy iske qosý josparlary, sondaı-aq óndiristegi táýekelderdi azaıtý jónindegi sharalar talqylandy.

Álıhan Smaıylov Qazaqstan munaı-gaz salasynyń ınvestıtsııalyq tartymdylyǵyn arttyrý jónindegi sharalardy iske asyrýdy jalǵastyratynyn atap ótti.

Óz kezeginde Zoı ıÝnovıch kompanııanyń ekijaqty áriptestikti nyǵaıtý jónindegi jumysty jalǵastyrýǵa daıyn ekenin rastady. Atap aıtqanda, Shell kompanııasy munaı jáne gaz óńdeý salasyndaǵy jobalardy damytýǵa ázir.

Qorytyndylaı kele, Premer-Mınıstr Úkimettiń múddeler teńgerimin saqtaı otyryp, ózara tıimdi yntymaqtastyqty ári qaraı damytýǵa múddeli ekenin atap ótti.

Foto: primeminister.kz