Smaıylov naryqta sapasy kúmándi taýarlar paıda bolǵanyna alańdaýshylyq bildirdi

ASTANA. QazAqparat – QR Premer-Mınıstri Álıhan Smaıylo Saýda jáne ıntegratsııa mınıstrliginiń keńeıtilgen alqa májilisinde naryqta sapasy kúmándi taýarlar paıda bolǵanyna alańdaýshylyq bildirdi, dep habarlaıdy QazAqparat tilshisi.

«Búgingi tańda qaıdan shyqqany belgisiz qaýipti ónimderdiń máselesi bar. Bul qazaqstandyqtardyń densaýlyǵy men ómirine qaýip tóndirýi múmkin.

Osyǵan baılanysty, Saýda mınıstrligine ónerkásip ónimderiniń qaýipsizdigine memlekettik baqylaýdy kúsheıtýdi qajet bolsa, sapasy talapqa saı kelmeıtin taýarlardy tárkileýdi tapsyramyn», - dedi ol.

Úkimet basshysy ónimniń qaýipsizdigi týraly sertıfıkattardy berý protsedýrasyna baqylaýdy kúsheıtýdi tapsyrdy.

«Bıznes qaýymymen birlesip, suranysqa neǵurlym ıe otandyq ónimdi sertıfıkattaýmen aınalysatyn tolyqqandy ulttyq zerthanalyq baza qurý jóninde sharalar qabyldansyn», - dedi Álıhan Smaıylov.