Smaıylov: Qazaqstanda salynatyn AES halyqaralyq joba bolady

NUR-SULTAN. QazAqparat – Qazaqstanda salynatyn atom elektr stansasy halyqaralyq joba bolady. Bul týraly «Qazaqstan» ulttyq telearnasynyń «Jańa Qazaqstan» baǵdarlamasynda QR Premer-Mınıstri Álıhan Smaıylov aıtty, dep habarlaıdy QazAqparat tilshisi.

«Qazir elektr qýaty balansyn daıyndadyq jáne bolashaqta elektr energııasyna tapshylyqtyń oryn alatyndyǵyn kórip otyrmyz. Sondyqtan, atom elektr stansasyn salmaı, biz bul máseleni sheshe almaımyz», - dedi Úkimet basshysy.

Onyń paıymynsha, ekonomıkamyzdy elektr energııasymen tolyq qamtamasyz etpesek, onda ary qaraı damýymyz óte qıyn bolady.

«Condyqtan bul másele boıynsha sheshim qabyldanyp, orny belgilendi. Endi Energetıka mınıstrligi dúnıejúzinde bar tıisti ozyq tehnologııalardy qarastyryp jatyr. AQSh, Frantsııa, Ońtústik Koreıa jáne orystardyń tehnologııalaryn zerdelep, qarastyrý ústinde. Jalpy, bul halyqaralyq joba bolady. ıAǵnı, birneshe memleketten ártúrli tehnologııa tartylady. Sodan keıin tıisti sheshim qabylanady», - dedi Álıhan Smaıylov.

Foto: criptoaldia.com