Smaıylov EAEO týraly: Barlyq sheshimder ekonomıkalyq pragmatızmge negizdelýi tıis

ALMATY. QazAqparat – Qazaqstan EAEO qyzmeti tek ekonomıkalyq baǵytta bolýy tıis degen ustanymdy basshylyqqa alady. Bul týraly QR Premer-Mınıstri Álıhan Smaıylov Eýrazııalyq úkimetaralyq keńes otyrysy qarsańynda Eýrazııalyq ekonomıkalyq komıssııa alqasynyń tóraǵasy Mıhaıl Mıasnıkovıchpen kezdesýde aıtty, dep habarlaıdy QazAqparat.

Taraptar EAEO aıasynda kedergilerdi joıý, buryn qabyldanǵan strategııalyq qujattardy iske asyrýǵa ǵylymı negizdi kúsheıtý, sondaı-aq Saýda jáne tehnıkalyq retteý bloktary jónindegi komıssııa jumysynyń máselelerin talqylady.

Álıhan Smaıylovtyń aıtýynsha, Qazaqstan EAEO qyzmeti tek ekonomıkalyq baǵytta bolýy tıis degen ustanymdy basshylyqqa alady.
«Barlyq sheshimder ekonomıkalyq pragmatızmge negizdelýi kerek», — dedi Premer-Mınıstr.

Óz kezeginde Mıhaıl Mıasnıkovıch Qazaqstannyń áleýmettik-ekonomıkalyq damýynyń oń kórsetkishteri EAEO elderimen ózara saýdany odan ári keńeıtý úshin qolaıly jaǵdaılar jasaıtynyn atap ótti.

Aıta keteıik, Eýrazııalyq úkimetaralyq keńestiń kezekti otyrysy 2-3 aqpanda Almatyda ótedi. Oǵan Qazaqstan, Armenııa, Belarýs, Qyrǵyzstan jáne Reseı úkimet basshylary, sondaı-aq Ózbekstan Premer-Mınıstri EAEO janyndaǵy baıqaýshy memleket ókili retinde qatysady. Іs-sharanyń kún tártibi saýda-ekonomıkalyq yntymaqtastyq, tehnıkalyq retteý, temirjol jáne mýltımodaldyq júk tasymaly, energetıka jáne t.b. máselelerdi qamtıdy.

Foto: primeminister.kz