Smaıylov Astana men óńirler arasyndaǵy medıtsına sapasynyń alshaqtyǵyn tómendetýdi tapsyrdy

ASTANA. QazAqparat –Premer-Mınıstr Álıhan Smaıylov Úkimet Astana men óńirler arasyndaǵy medıtsına sapasynyń alshaqtyǵyn tómendetýdi tapsyrdy, dep habarlaıdy QazAqparat tilshisi.

«Óńirlerde medıtsınalyq kómektiń sapasyn jaqsaryp, qoljetimdi bolýyn qamtamasyz etý boıynsha júıeli sharalardy turaqty negizde qabyldaý qajet. Biz qala men aýyl turǵyndary, óńirler men Astana arasyndaǵy medıtsınalyq qyzmet kórsetý sapasynyń alshaqtyǵyn tómendetýge tıispiz. Qazaqstandyqtar dál osyndaı jaǵdaılarǵa narazy», - dedi Úkimet basshysy.

Sondaı-aq ol medıtsına qyzmetkerleri men dári-dármekterdiń tapshylyǵy da qaterli isik aýrýlarynan bolatyn ólim-jitimniń kóbeıýine sebep bolyp turǵanyn atady.

«Mysaly, Aqmola, Shyǵys Qazaqstan, Soltústik Qazaqstan, Pavlodar jáne Qostanaı oblystarynda aýrýdy erte bastan anyqtaý deńgeıi óte tómen jáne qaıtys bolý deńgeıi joǵary. Bul – júıeli túrde sheshýdi qajet etetin óte mańyzdy máseleler», - dedi Premer-Mınıstr.