Smaıylov qyzylshaǵa qarsy vaktsınatsııa týraly: Basqasha kúresý múmkin emes

<p>Premer-Mınıstr Álıhan Smaıylov Úkimet otyrysynda qyzylshamen kúreske jergilikti ákimder belsendi atsalysýy kerektigin aıtty, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Aýrýdyń taralýyn toqtatý kerek. Qyzylsha asqynyp ketse, balalardyń densaýlyǵyna asa qaýip tóndiredi. Sondyqtan onymen tek densaýlyq saqtaý júıesi ǵana emes, búkil qoǵam bolyp kúresýimiz qajet», – dedi ol.

Úkimet basshysy ekpe alý jumystaryn kúsheıtýdi tapsyrdy.

«Mundaı qaýipti vırýspen vaktsınalaýdan ózge jolmen kúresý múmkin emes. Sondyqtan ekpe alýdy kúsheıtý qajet. Densaýlyq saqtaý mınıstrligi men ákimdikter vaktsına alýdyń qajettigi týraly aqparattyq túsindirý jumystaryn kúsheıtýi tıis. Barlyq ákimder vaktsınalaý máselesin jeke baqylaýda ustap, Densaýlyq saqtaý mınıstrligimen birge jumysty úılestirýi kerek», - dedi Álıhan Smaıylov.

Aıta keteıik, jeltoqsan aıynda Qazaqstanda 2-5 jastaǵy balalardy qyzylshaǵa qarsy egý bastalady.

Búgin Úkimet otyrysynda Densaýlyq saqtaý mınıstri Ajar Ǵınııat tek qarasha aıynda 6 myńnan astam qazaqstandyq qyzylsha juqtyrǵanyn málim etti.