«Smartfon sındromynan» qutylamyz ba?» - baspasózge sholý
***
«100 naqty qadam» Ult josparynyń 99-qadamyn iske asyrý aıasynda «Qoǵamdyq keńester týraly» Zań qabyldandy. Mádenıet jáne sport mınıstrligi atalǵan Zańdy iske asyrýda úılestirýshi bolyp tabylady. Osyǵan oraı, «Egemen Qazaqstan» gazeti Mádenıet jáne sport vıtse-mınıstri Marat Almasuly Ázilhanovty áńgimege tartty.
«Turǵyndar aldyndaǵy esep berýge mindetti memleketti qalyptastyrý maqsatynda 2015 jylǵy 2 qarashada «Qoǵamdyq keńester týraly» QR Zańy qabyldandy. Atalǵan Zań elimizdiń quqyqtyq bazasy úshin jańalyq bolyp tabylady.
Osynaý Zań turǵyndar aldynda esep beretin memleketti qalyptastyrý, barlyq deńgeıdegi memlekettik organdardyń sheshim qabyldaýyna qoǵamdyq ınstıtýttar men azamattardyń qatysýyn qamtamasyz etý jónindegi memlekettik saıasatty iske asyrý quraldarynyń biri bolyp tabylatyn jańa qoǵamdyq ınstıtýt - qoǵamdyq keńester uǵymy engizdi.
Zańnama qoǵamdyq keńesterge bıýdjettik baǵdarlamalar jobalary men olardyń oryndalýy týraly esepterdi, óńirlerdiń damý baǵdarlamalary men memlekettik jáne salalyq baǵdarlamalar, strategııalyq josparlar, azamattardyń quqyǵy, erkindigi men mindetterine qatysty normatıvtik-quqyqtyq aktilerdiń jobalaryn talqylaý sekildi birqatar ókilettikter júkteıdi.
Qoǵamdyq keńesterdiń qyzmeti arqyly qoǵam men memleket arasynda keri baılanys tetigi qalyptastyrylyp, qoǵamdyq baqylaý uıymdastyrylmaq jáne memlekettik organdar qyzmetiniń móldirligi qamtamasyz etiledi»,-deıdi M. Ázilhanov. Bul suhbat gazette «Qoǵamdyq keńester: memleket pen qoǵam arasyndaǵy dıalog» degen taqaryppen berilgen.
Bas basylymda «Úsh ǵaryshker» atty kólemdi maqala jarııalandy. Qazaqstan aýmaǵynda ornalasqan «Baıqońyr» ǵarysh aılaǵy ǵylymnyń eń ozyq salasy úshin 60 jyldan beri qaltqysyz qyzmet etip keledi. Adamzat ókili ıÝrıı Gagarın eń alǵash alys saparǵa attanǵan ýaqyttan beri qaraıǵy jarty ǵasyrdyń ishinde barlyǵy 38 elden 545 ǵaryshker bizdiń Baıqońyrdan attanyp, ǵarysh keńistiginde bolyp qaıtqan eken. Attary ańyzǵa aınalǵan sol tulpar toptyń músheleri - qazaq ǵaryshkerleri Toqtar Áýbákirov, Talǵat Musabaev, Aıdyn Aıymbetov týraly shertetin tolǵamdy syr az emes. Búgingi Dúnıejúzilik avıatsııa jáne ǵarysh kúnine oraı jazylǵan maqalada qazaq ǵaryshkerleri týraly egjeı-tegjeıli baıandalǵan.
***
«Sońǵy bes-alty jylda jurtshylyq jappaı smartfon paıdalanýǵa kóshti. Zaman aǵymynan qalyspaı, sapaly foto men beınege túsirý múmkindigi bar, ǵalamtor jelisine qosylatyn telefondardy paıdalanbaıtyn adam kemde-kem. Biri nesıege resimdedi, biri tirnektep jınaǵan aqshasyna satyp aldy, bálkim bireýlerge syıǵa tartty. Já, másele munda emes. Másele - jaqyn ýaqytta qoǵam ókilderiniń bir bóligine sol bir qımas «dosymen» aıyrylysýǵa týra keledi. Sebebi elimizde smartfon paıdalanýǵa qatysty jańa tártip engizildi.
Tizgin tart, memlekettik qyzmetshi!»,-dep jazady «Aıqyn» gazeti búgingi sanyndaǵy «Smartfon sındromynan» qutylamyz ba?» atty kólemdi maqalasynda. Búgingi kúni Apple kompanııasy usynǵan Irhone brendimen tanymal smartfondar, LG, Samsung kompanııalarynyń ónimderi zor suranys pen qyzyǵýshylyqqa ıe. Kópshilik osy telefondardyń sońǵy úlgidegi túrin satyp alyp, ózara básekege de túsip jatady.
Osy basylymda «Jaýyngerdiń erligi elendi» degenmaterıal berilgen. Qarýly kúshterde qyzmet etetin jaýyngerlerdiń arasyda da beıbit kúnniń batyrlary az emes. Olardyń erlikteri eleýsiz qalǵan joq, úkimet nemese vedomstvo tarapynan nagradaǵa usynyldy. Іzdeýde júrgen qylmyskerdi ustaýǵa kómektesken 22 jastaǵy qatardaǵy jaýynger Azamat Ónerhanov «Jaýyngerlik erligi úshin» medalimen marapattaldy.
Oqıǵa bolǵan kezde aqmolalyq Azamat Ónerhanov Qazaqstan Qarýly Kúshterinde áskerı boryshyn ótep júrgen. Merzimdi áskerı qyzmetin Shymkent qalasyndaǵy №6506 áskerı bóliminde atqysh-pýlemetshi bolyp atqardy, patrýl-turaq qyzmetinde boldy. Birde kóshede kezekti patrýldik qyzmetin atqaryp júrgen kezinde kútpegen oqıǵa bolyp, tez sheshim qabyldaýǵa týra keldi. Kóp oılanbastan shalt qımyldaǵandarynyń arqasynda qylmys jasap izdeý salynǵan azamat qolǵa tústi.
***
«Jer-sý ataýlarynyń mán-maǵynasy geografııa ǵylymynyń da zertteý nysany bolyp tabylatyny belgili. Olaı deıtin sebebimiz, onomastıka, toponımıkalyq zertteýler geografııa ǵylymymen tikeleı baılanysty.
Bul oraıda jer-sý ataýlary týraly geografııalyq kartalarda kóptegen málimetter kezdesedi. Solardyń basym bóligi kóne ataýlarmen baılanysty zertteýler. Osy rette kóne toponımderdiń jazylý ereksheligi, eldi mekenderdiń ornalasqan jerin anyqtaý jáne t.b. ózekti másele. Óıtkeni ondaı zertteýlerdi júrgizgen kezde geografııalyq ataýlardy júıeleýden bólek, baıyrǵy ataýlardy qalpyna keltirý máselesi de týyndaıdy»,-dep jazady «Ana tili» gazeti sońǵy sanynda jaryq kórgen maqalasynda. Al jer betindegi kóne ataýlarǵa keletin bolsaq, olardyń tarıhy tym tereńde jatqany anyq. Elimizdiń aýmaǵynda kezdesetin kóne ataýlardyń ózi tom-tom zertteý eńbekterine arqaý bolarlyqtaı dúnıe. Al kezinde olardyń bári bir-bir eldi mekendi nemese shaharlardy, ózen-kólderdiń ataýlaryn bildirgen. Bul jaıynda basylymdaǵy «Kóne ataýlar - tarıhtyń bir paraǵy» atty maqaladan tolyq oqı alasyzdar.