Smart Astana qosymshasynyń jańa nusqasy iske qosylady
Jobanyń maqsaty - qala turǵyndary men qonaqtaryna sapaly aqparat jetkizip otyrý, qoljetimdilik deńgeıin arttyrý, sondaı-aq qala servısteri jaıynda nasıhattaý.
Joba avtorynyń jańa tujyrymdamasy boıynsha SmartAstana úsh topty qamtýy tıis: qala turǵyndary men qonaqtaryn, Astana qalasy ákimdiginiń basqarmalary jáne halyqqa qyzmet kórsetetin kommertsııalyq uıymdar.
- Qoldanýshylarǵa barynsha qolaıly ınterfeıs qurýǵa tyrystyq. Qosymshanyń barlyq tujyrymdamasy aıaqtaldy. «Qalalyq jáne memlekettik qyzmetterge jazba» bóliminde jańa mindetter paıda boldy, - deıdi jobany qurastyrýshylar.
1 maýsymnan bastap qurylǵynyń kómegi arqyly ákimdiktiń ókiletti tulǵalarynyń qabyldaýyna onlaın tártipte jazylýǵa múmkindik bar: qoldanýshy bos kún men ýaqytty birden kóre alady.Bul qyzmet tek ǵana SmartAstana júıesine tirkelgen emhanalarda qoljetimdi bolady. Al, qazirgi tańda qalǵan qalalyq medıtsınalyq mekemelerin júıege qosý jalǵasýda.
Sonymen qatar, «109» qyzmetimen de qosymsha arqyly baılanysqa shyǵýǵa múmkindik bar. Jaýap SmartAstana akkaýntyna nemese kórsetilgen elektrondy poshtanyń meken-jaıyna keledi. Sondaı-aq, turǵylyqty meken-jaı boıynsha ýchaskelik ınspektorǵa qatysty málimetterdi de alýǵa bolady.
«Densaýlyq» bóliminde dárigerdiń qabyldaýyna onlaın-jazylýǵa jáne dárigerdi úıge shaqyrýǵa bolatyn fýnktsııa paıda bolady. Maýsymnyń 1-nen bastap qurylǵynyń kómegi arqyly qoldanýshy qaı emhanaǵa tirkelgenin de bile alady. Biryńǵaı call-center medıtsınalyq qyzmeti barlyq suraqtarǵa jaýap beredi.
Budan bólek, qosymsha qoldanýshylary balalardy balabaqsha kezegi men birinshi synypqa tirkeý múmkindigine ıe jáne kezektiń qalaı jyljyp jatqanyn turaqty baqylap otyra alady.
«EKSPO-2017 Astana» mamandandyrylǵan halyqaralyq kórmesi qarsańynda qala turǵyndary men qonaqtary qosymshanyń arnaıy bóliminen EKSPO-ǵa arnalǵan is-sharalar týraly tolyq baǵdarlamany jáne bılet satyp alýǵa arnalǵan málimetterdi kóre alady. Qosymshanyń munymen artyqshylyqtary bitpeıdi. Qalalyq temirjol vokzaly, «Saparjaı» vokzaly, halyqaralyq áýejaıdyń kórsetkish taqtalaryn da qosymshadan tabasyz. Qalalyq avtobýstardyń júrý kestesi de osy jerde.
«Astana Innovation» jobasyn júzege asyrý aıasynda qosymshada «Belsendi turǵyn» jańa jobasy iske qosylady. Onda qalalyq servısterdiń jumysyna qatysty áleýmettik saýalnama júrgiziledi.
Qosymshanyń eski nusqasyn 200 myńdaı adam qoldanady. SmartAstana jańalyqtaryna qosylý Instagram, Facebook jáne VKontakte jelileri arqyly júrgiziledi.
Tolyq jańartylyp bitken soń SmartAstana mobıldi qosymshasy jeli qoldanýshylary úshin men Android jáne IoS platformalarynda 1 maýsymnan bastap qol jetimdi.