«Smart Aqmola» bazasynda 112 biryńǵaı Call-ortalyǵy jumysyn bastaıdy
Aqmola oblysynyń TJD bastyǵy Nurlan Atyǵaevtyń aıtýynsha, búgingi tańda Aqmola oblysy TJD Daǵdarys jaǵdaıyndaǵy basqarmaǵa 14 dıspetcherlik qyzmet kiredi: polıtsııa, jedel járdem jáne barlyq kommýnaldyq qyzmetter. Endi «Smart Aqmola» bazasynda 112 qyzmeti jumys isteıtin boldy.
«Barlyq qońyraýlar osynda túsedi. Munda aýdandar men baǵyttar boıynsha bólinedi. 101, 102, 103 bolmaıdy, tek 112 bolady, ıaǵnı shetelde 911 biryńǵaı baılanys ortalyǵy sııaqty. Dıspetcher barlyq ótinimderdi óńdeıdi jáne kommýtator arqyly aqparatty qajetti aýdanǵa jiberedi», - deıdi Nurlan Atyǵaev.
Departament basshysy atap ótkendeı, aqmolalyqtar kóbine ózge aýdandardyń dıspetcherlik qyzmetine habarlasyp, meken-jaıyn aıtady. Al, ózge aýdandardyń qutqarýshylary aıtylǵan jerge jetip, tapqansha kóp kútip qalady. Sol sebepti, osyndaıda 112 biryńǵaı Call-ortalyǵynyń kómegi zor bolmaqshy.