SMALL, METRO, Esentai Gourmet - Almatyda iri saýda nysandaryna aıyppul salyndy

<p>ASTANA. KAZINFORM &ndash; Jarty jylda saýda zańnamasyn buzǵan 2 228 saýda sýbektisi jaýapkershilikke tartyldy. Bul týraly QR Saýda jáne ıntegratsııa mınıstrliginiń baspasóz qyzmeti málim etti.&nbsp;</p>

«Jyl basynan beri Saýda komıtetiniń óńirlerdegi departamentteri saýda zańnamasyn buzǵany úshin 2 357 ákimshilik is qozǵady. Nátıjesinde 2 228 ákimshilik qaýly qabyldanyp, 381 saýda sýbektisine aıyppul salynsa, quqyq buzýshylyqty alǵash jasaǵan kásipkerlik sýbektilerine 1 847 eskertý berildi. Ótken jyldyń sáıkes kezeńimen salystyrǵanda bıylǵy jyldyń 6 aıynda memlekettik baqylaý nátıjeleriniń kórsetkishi 2 eseden astam ósti», — delingen habarlamada.

Foto: QR Saýda jáne ıntegratsııa mınıstrligi

Zań buzýshylyqtyń basym bóligi Ákimshilik quqyq buzýshylyq týraly kodekstiń 2 baby boıynsha baıqalyp otyr. Biri — ÁMAT taýarlaryna saýda ústemin arttyrý (ÁQBtK-niń 204-4-baby), ekinshisi — baǵa belgileriniń bolmaýy nemese ártúrli baǵalardy qoldaný (ÁQBtK-niń 193-babynyń 4 jáne 5-tarmaǵy).

«Saýda ústemesin arttyrǵany úshin Almaty qalasyndaǵy respýblıka kóleminde birneshe fılıaly bar «SMALL» jáne «METRO» iri saýda jelileri, sondaı-aq megapolıstegi asa iri premıým-klasstaǵy «Esentai Gourmet» gastronomy ákimshilik jaýapkershilikke tartyldy», - dep habarlady vedomstvodan.