SІM qazaqstandyqtarǵa qaı elde júrse de saq bolýdy eskertti

<p>ASTANA. KAZINFORM &ndash; Syrtqy ister mınıstrliginiń resmı ókili Aıbek Smadııarov qazaqstandyqtarǵa qaı elde júrse de saq bolýdy eskertti.</p>

«Árıne, terakt (Máskeýdegi Crocus City Hall» kontsert zalynda oryn alǵan terakt) adam shoshytarlyq boldy. Sol túni Qazaqstannyń Reseıdegi Elshiligimen habarlasyp, bekitilgen algorıtm boıynsha jumys istedik. Jedel jeliniń telefon nómiri jarııalandy. Máskeýdegi stýdentter men basqa da Qazaqstan azamattarynyń bárimen habarlasyp, jaǵdaıyn anyqtaı bastadyq. Qazirgi tańda qaza tapqandar men zardap shekkenderdiń arasynda Qazaqstan azamaty joq», - dedi resmı ókil.

Onyń atap ótýinshe, búginde álemdegi jaǵdaı kúrdelinip bara jatyr. Odan eshkim saqtanbaǵan. Sondyqtan azamattarymyz qaı elde júrse de sol eldiń bıligi qoıǵan zańdy talaptardy oryndaýy kerek.

«Saqtyqta qorlyq joq. Saq bolyp júrgen durys dep oılaımyn. Qazir Reseıde naqty qansha stýdent oqıtynyn bilmeımiz. Óıtkeni, ár adam qaıda oqıtynyn ózi sheshedi. Beıresmı derekter boıynsha 40 myńǵa jýyq qazaqstandyq stýdent Reseıde oqyp júr. Olar odan da kóp bolýy múmkin», - dedi Aıbek Smadııarov.

Eske sala ketsek, 22 naýryz kúni Máskeýdiń soltústik-batysyndaǵy «Crocus City Hall» kontsert zalynda kamýflıaj kıgen adamdar ǵımarat ishinde júrgen adamdarǵa oq jaýdyrǵan.

150-den astam adam jaraqat alyp, 100-den astam adam mert boldy. Olardyń ishinde balalar da bar.