SІM Izraıl men Iran týraly: Qazaqstandyqtarǵa bar, barma dep aıta almaımyz

<p>ASTANA. KAZINFORM - Syrtqy ister mınıstrliginiń resmı ókili Aıbek Smadııarov Izraıl men Iran memleketterinde júrgen qazaqstandyqtardyń qaýipsizdigi týraly pikir bildirdi.</p>

«Jaǵdaı ońaı emes. Bul bir túnde bolǵan jaǵdaı emes. Onyń aldynda bul aldyn ala aıtyldy, eskertildi. Eger bizdiń azamattar sol óńirde júrse, óz qaýipsizdigin oılaýy kerek», - dedi resmı ókil.

Onyń sózinshe, qos eldegi elshilikter 24 saǵat boıy jumys istep tur.

«Elshilikterdiń telefon nómirleri ınternette kórsetilgen. Azamattar sol nómirler boıynsha habarlasa alady. Qazirgi tańda Iranda da, Izraılde de barlyq áýejaı men shekara ashyq. Jumys istep jatyr. Sondyqtan (qazaqstandyqtarǵa) ol jaqqa baryńdar-barmańdar degen keńes ber almaısyz. Ár adam sheshimdi ózi qabyldaýy kerek. Mysaly, kesheden beri adamdar «Mysyrǵa pýtevka alyp qoıdyq. Ol jaqqa baryp, demalsaq bola ma?» dep suraq qoıyp jatyr. Biz kepildik bere almaımyz. Erteń ne bolatynyn eshkim bilmeıdi. Biraq bizdiń azamattar Iranda, Izraıl de bar. Jaǵdaı qatty kúrdelenip jatsa, memleket bárine kómektesedi. Ázirshe, bári durys», - dedi Aıbek Smadııarov.