SІM Aıgúl Saılybaevanyń Germanııada óli tabylǵanyn rastady

<p>ASTANA. KAZINFORM &ndash;&nbsp; Syrtqy ister mınıstrligi Germanııada joǵaldy delingen Qazaqstan azamatshasy Aıgúl Saılybaevanyń óli tabylǵanyn rastady.</p>

«Germanııa qylmystyq polıtsııasynyń Qazaqstan Respýblıkasynyń Frankfýrttaǵy Bas konsýldyǵyna bergen aqparatyna sáıkes, 16 maýsymda Benshaım qalasynyń mańynda áıeldiń máıiti tabyldy. Krımınalıster sot-medıtsınalyq saraptama júrgizýde. Óz kezeginde, polıtsııanyń aýyzsha aldyn ala bergen aqparatyna sáıkes, syrtqy belgileri boıynsha máıit QR azamaty Aıgúl Saılybaeva dep tanyldy», - dep jazylǵan resmı málimette.

Vedomstvonyń deregi boıynsha, marqumnyń Germanııada júrgen anasy men aǵasyna barlyq qajetti konsýldyq-quqyqtyq kómek kórsetilýde.

«GFR quqyq qorǵaý organdary tıisti tergeý sharalaryn júrgizip jatyr. Bul is týraly ózge aqparat tergeý múddeleri úshin jarııalanbaıdy», - delingen SІM taratqan aqparatta.

Zorlyqpen óltirilgen eks-sýdıa Aıgúl Saılybaevanyń máıiti Germanııadan tabylǵanyn jazǵan bolatynbyz.