Slovenııa Palestına memleketin resmı túrde moıyndady

<p>LıÝBLıANA. KAZINFORM &ndash; Slovenııa Palestına memleketin resmı túrde moıyndady. Bul týraly Slovenııa úkimetiniń X áleýmettik jelisinde jarııalanǵan málimdemesinde aıtyldy, dep jazady <a href="https://www.aa.com.tr/ru/%D0%BC%D0%B8%D1%80/%D1%81%D0%BB%D0%BE%D0%B2%D0%B5%D0%BD%D0%B8%D1%8F-%D0%BE%D1%84%D0%B8%D1%86%D0%B8%D0%B0%D0%BB%D1%8C%D0%BD%D0%BE-%D0%BF%D1%80%D0%B8%D0%B7%D0%BD%D0%B0%D0%BB%D0%B0-%D0%B3%D0%BE%D1%81%D1%83%D0%B4%D0%B0%D1%80%D1%81%D1%82%D0%B2%D0%BE-%D0%BF%D0%B0%D0%BB%D0%B5%D1%81%D1%82%D0%B8%D0%BD%D0%B0/3240339" target="_blank" rel="noopener">Anadoly.</a></p>

Oppozıtsııalyq Slovenııa Demokratııalyq partııasy (SDS) keshe, 4 maýsymda parlament otyrysy aldynda parlamentke usynǵan referendým týraly usynysyn keri qaıtaryp alǵany habarlandy. SDS depýtattary shyǵyp ketken jıynǵa 90 oryndyq parlamenttiń 52-si qatysyp, Palestına memleketin tanýǵa daýys berdi.

– Búgingi Palestınany egemen jáne táýelsiz memleket retinde taný Batys jaǵalaý men Gaza sektoryndaǵy Palestına halqyna úmit beredi, – dedi Slovenııa premer-mınıstri Robert Golob áleýmettik jelidegi jazbasynda.

Slovenııanyń Palestınany tanýy

OSD tóraǵasy ıAnez ıAnsa dúısenbi kúni bul sheshim elge uzaq merzimdi perspektıvada zııan tıgizetinin aıtyp, referendým ótkizýdi talap etti. Ótken aptada Slovenııa úkimeti Palestına memleketin taný máselesin talqylaǵan jıyn ótkizdi.

Premer-mınıstr Golob jınalystan keıin jasaǵan málimdemesinde halyqaralyq quqyq pen Birikken Ulttar Uıymy Qaýipsizdik Keńesiniń (BUU Qaýipsizdik Keńesi) tıisti qararlaryna sáıkes Palestınany 1967 jylǵy shekaramen táýelsiz jáne egemen memleket retinde tanýǵa sheshim qabyldaǵanyn aıtty.

Golob bul sheshimniń parlament nazaryna usynylatynyn da aıtyp, depýtattardan ony qoldaýdy surady. Ispanııa, Norvegııa jáne Irlandııa da 28 mamyrda Palestınany resmı túrde tanýǵa sheshim qabyldady.