Slovakııa astanasynda Abaı oqýlary ótti
Uly aqyn Abaı 175 jyldyǵyna oraı Bratıslava qalasynda uıymdastyrylǵan jıyn Kazaqstan Respýblıkasynyń Slovakııa Respýblıkasyndaǵy Elshiliginiń qoldaýymen jáne QR Mádenıet jáne sport mınıstrligine qatysty QR Ulttyq akademııalyq kitaphanasy delegatsııasynyń qatysýymen ótti.
Sharada sóz alǵan Qazaqstan Jazýshylar odaǵynyń tóraǵasy Ulyqbek Esdáýlet Abaı óleńderi men fılosofııalyq oılary ulttyń ıdeologııasyna aınalǵanyn jetkizdi.
«Abaı – qazaq halqy úshin aspandaǵy temirqazyq sııaqty. Onyń óleńderi men fılosofııalyq oılary ulttyń ıdeologııasyna aınaldy. Abaı poezııasy – álemdik poezııa. Abaı – qaıtalanbas tulǵa, týma talant. Abaı óziniń 36-qara sózinde uıat týraly aıtyp kelip: «Uıat kimde bolsa - ıman sonda» degen... Demek, ol óz eńbekterinde ar men uıat kategorııalaryn qamshynyń órimindeı qatar qarastyrǵan. Onyń «Paıda oılama, ar oıla» deýiniń astarynda tereń mán jatyr. Munda qazaqtyń: «jarly bolma, arly bol» deıtin tujyrymymen de úndestik bar», dedi Ulyqbek Esdáýlet.
Kelesi sóz kezegin alǵan belgili alashtanýshy, abaıtanýshy ǵalym Tursyn Jurtbaı Slovakııa zııaly qaýymyna qarata Abaıǵa kórsetken qurmetterińizdi – barlyq qazaq halqyna kórsetken qurmet dep bilemiz dedi.
«Bizdiń memleket ulttyq ıdeologııa negizinde Abaı gýmanızmin qoldady. Bir ulttyń júregin mahabatpen jaýlap alý úshin, Abaıdyń bir ǵana óleńi jetedi. Sol mahabbat barlyq adamzatqa qyzmet etsin. Baqytqa jetkizsin», dedi Tursyn Jurtbaı.
Al, M.Áýezov atyndaǵy Ádebıet jáne óner ınstıtýtynyń dırektory Kenjehan Matyjanov da búgingi is-sharada óz oıyn bildirdi.
«Qazaqstan men Slovakııa elderiniń taǵdyry uqsas deýge ábden bolady. Sebebi, táýelsizdikti sizder de toqsanynshy jyldardyń basynda aldyńyzdar. Buryndary, biz bir-birimizdi karta arqyly ǵana biletinbiz. Qazir Táýelsizdiktiń jáne elshilikterdiń arqasynda jaqyn tanysyp jatyrmyz. Sondyqtan da, Abaı ánderi, poezııasy, prozasy Slovakııa eliniń júregin jylytsyn», - dedi Kenjehan Matyjanov.
«Abaı – adamzattyń altyn qoryna qazaq eliniń atynan óz úlesin qosqan ǵulama. Abaıdyń «Adamzattyń bárin súı baýyrym dep» aıtqan sózi aqynnyń naǵyz gýmanıstik kózqarasyn ańǵartady. Bul adamzatqa tán asyl qasıet. Bul sóz ult pen ulystardy tatýlyqqa, yntymaqqa, baýyrmaldylyqqa bastaıtyn uranǵa aınaldy», dep málim etti QR Ulttyq akademııalyq kitaphanasynyń basshysy Úmithan Dáýrenbekqyzy.
Іs-sharaǵa zııaly qaýym ókilderi, qoǵam qaıratkerleri, Slovakııadaǵy qazaq stýdent jastar qatysty.