«Slavıan bazary»: Roza Rymbaeva — qazylar alqasynyń tóraǵasy

<p>ASTANA. KAZINFORM &ndash; Belarýs elininiń Vıtebsk qalasynda osymen XXXIII ret uıymdastyrylyp otyrǵan halyqaralyq óner festıvalinde Qazaqstannyń halyq ártisi Roza Rymbaeva qazylar alqasynyń tóraǵasy retinde úmitkerlerdiń talantyn baǵalamaq.</p>

Bul týraly ánshi óziniń Instagram paraqshasynda bólisip, jaýapkershiligi mol sharýa senip tapsyrylǵanyn atap ótti.

Foto: Kazinform

«Qadirli jerlester! Biz Belarýs elindemiz. «Lýchesa» qonaq úıine aıaldadyq. Vıtebsk qalasynda ótkeli otyrǵan «Slavıan bazary» atty aýqymdy festıvalge kep qaldyq. Bıyl men qazylar alqasynyń tóraǵasymyn. Bul – óte mańyzdy ári jaýapkershiligi joǵary jumys», - dedi Roza Rymbaeva.

Aıta keteıik, Roza Rymbaeva qazylar alqasynyń turaqty músheleriniń biri. 2018 jyly Belarýs prezıdenti Aleksandr Lýkashenko festıvaldiń saltanatty ashylý rásiminde Roza Rymbaevaǵa «Óner arqyly - beıbitshilik pen ózara túsinistikke» arnaıy marapatyn tabys etken bolatyn. Sondaı-aq, Vıtebsk qalasyndaǵy «Juldyzdar alańynda» qazaqstandyq ánshiniń juldyzy ornatylǵan edi.

Bıyl Lýkashenko «Slavıan bazarynyń» ashylý saltanatynda sóılegen sózinde ShYU elderi ujymdarynyń qatysýyn erekshe atap ótti. Bul joly 42 eldiń ónerpazy júldege talasatynyn atap ótken jón.

Esterińizge salsaq, buǵan deıin Saǵyn Ómirbaıuly «Slavıan bazarynyń» balalar baıqaýynda ekinshi oryn alǵanyn jazǵan edik.