Skrınıng arqyly aýrý patologııasyn anyqtaý úlesi tómen – mınıstr

<p>ASTANA. KAZINFORM &ndash; Elimizde medıtsınalyq skrınıngtik zertteýlerdiń basym baǵyttary anyqtalyp, onyń tásilderi qaıta qaralmaq. Bul týraly Densaýlyq saqtaý mınıstri Aqmaral Álnazarova málim etti.</p>

«Mınıstrlik zerthanalyq qyzmetterdiń qurylymyn qaıta qaraýdy josparlap otyr. Atap aıtqanda, medıtsınalyq kómektiń qoljetimdiligi problemalaryn sheshý jolynda ambýlatorııalyq emdeýdi jetildirý. Qazir konsýltatsııalyq-dıagnostıkalyq qyzmetter jáne dárigerlerge artylǵan artyq júkteme patsıentterdiń narazylyǵyn týdyryp otyr», - dedi Aqmaral Álnazarova vedomstvonyń keńeıtilgen alqa otyrysynda. 

Sonymen qatar mınıstr medıtsınalyq skrınıngtik zertteýler júrgizý qyzmetine kóńili tolmaıtynyn aıtty.

«Medıtsınalyq skrınıngtik zertteýlerge qatysty derttiń patologııasyn anyqtaý úlesi tómen ekenin moıyndaý kerek. Sonymen qatar, maǵan skrınıngtik zertteýlerdiń basym baǵyttaryn anyqtaý jáne tásilderdi qaıta qaraý tapsyryldy. Odan bólek, zerthanalyq qyzmetter qurylymyn taldaý jáne tutastaı alǵanda tarıfterdi qaıta qaraýdy eskere otyryp, konsýltatsııalyq-dıagnostıkalyq qyzmetterdiń tizbesin ózektendirý kerek», - deıdi ol.

Sondaı-aq, vedomstvo basshysy Memleket basshysynyń tapsyrmasyna sáıkes, bıyl 1 sáýirge deıin biryńǵaı medıtsınalyq kómek paketin qabyldaýdy tapsyrǵanyn eske saldy.

Buǵan deıin Aqmaral Álnazarova elimizde dári-dármektiń sapasy qaıta qaralatynyn aıtqan edi.