SQO joldarynyń tórtten bir bóliginiń sapasy talapqa saı emes

PETROPAVL. QazAqparat – Soltústik Qazaqstan oblysynda avtomobıl joldarynda 120 nysan tekserilip, 1250-ge jýyq synama alyndy. Onyń ár tórtinshisi normatıvti-tehnıkalyq qujattamanyń talaptaryna saı bolmaǵan, dep habarlaıdy QazAqparat tilshisi.

«Jol aktıvteriniń ulttyq sapa ortalyǵy» RMK SQO fılıaly baspasóz qyzmetiniń málimetinshe, bıyl ortalyq mamandary respýblıkalyq mańyzy bar joldarda 29 nysandy iriktep alyp, ol jerden 378 ret synama alǵan.

Nátıjesinde 51-i normatıvtik-tehnıkalyq qujattama talaptaryna sáıkes kelmegen.

Sondaı-aq jóndelgen joldyń sapasyna qatysty 362 eskertý jasalǵan, búginde onyń 321-sy joıyldy.

«Máselen A-16 «Petropavl-Jezqazǵan» respýblıkalyq avtojolynyń 785-810 shaqyrymynda ortasha jóndeý jumysy júrgizilgen. Bul jerden asfaltbeton synamasy alyndy. Tekseris barysynda jumysty júrgizý tehnologııasyn óreskel buzý faktisi, iriktelgen jol-qurylys materıaldarynyń sáıkessizdigi anyqtaldy. Mundaı olqylyqtar oblystyq, aýdandyq mańyzdaǵy joldarda da, eldi meken ishindegi kóshe joldarynda da kezdesedi», - deıdi «Jol aktıvteriniń ulttyq sapa ortalyǵy» RMK SQO fılıaly dırektory Joldybaı Tentekov.

Oblystyq avtojoldar boıynsha jumystar men materıaldardyń sapasyn tekserý úshin 19 nysan tańdap alynyp, 443 synama jasaldy.

Onyń 100-i normatıvtik-tehnıkalyq qujattama talaptaryna sáıkes kelmegen.

ıAǵnı negizgi kórsetkishter boıynsha – sýǵa qanyǵý, tyǵyzdylyǵy, quramy, qysymǵa tótep bergishtigi sáıkesizdik bar.

Osyǵan oraı 95 eskertý jasalsa, sonyń tek ekeýi boıynsha ǵana tıisti jumystar atqaryldy.

Aýdandyq avtojoldarǵa qatysty 26 nysannan 196 synama alyndy. Onyń 65-i tıisti talaptarǵa saı bolmaı shyqty.

Eldi meken kósheleri boıynsha 46 nysan tańdap alynyp, 227 synama jasaldy. Munda da sáıkessizdikter bar.

Tekseris qorytyndysy boıynsha 29 eskertý jasalsa, sonyń jeteýi boıynsha olqylyqtyń orny toltyryldy.