SQO joldarynda túrli maketter paıda boldy
SQO polıtsııa departamenti baspasóz qyzmetiniń málimetinshe, «Kókshetaý-Omby» avtojolynyń jıeginde turǵan jylqylardyń maketi paıda boldy. Júrgizýshiler olardy Ýálıhanov aýdanynyń ortalyǵy Kishkenekólden shyǵatyn joldarda kóredi. Alystan qaraǵanda bul maketterdiń kádimgi jylqylardan esh aıyrmashylyǵy joq. Ony polıtseıler jolǵa shyqqan júrgizýshilerdiń nazaryn aýdartý úshin arnaıy ornatqan. Jaqyn mańda jaıylymdar bar bolǵandyqtan, joldyń ústine kez-kelgen ýaqytta mal shyǵyp ketýi múmkin. Bos júrgen túlik jol apatyna sebepshi ekenin esten shyǵarmaǵan abzal. Osy maqsatpen aýdan ortalyǵyndaǵy Kishkenekól № 2 mektebindegi jaıaý júrginshiler ótkelinde oqýshynyń maketi qoıyldy.
Aýdandyq polıtsııa bólimi bastyǵy Rýslan Álıjanovtyń aıtýynsha, Kishkenekólde jol qaýipsizdigin nyǵaıtý úshin birqatar sharalar qolǵa alynǵan. Jóndeýden ótken kóshelerde jańa 44 jol belgisi paıda boldy. Oqý oryndarynyń qaýipsizdigin qamtamasyz etý úshin qazan aıynda jergilikti ákimdik jańa bes beınekamera qoıýdy josparlap otyr.
«Búginde oblys joldaryna patrýldik mashınalardyń 14 maketi qoıyldy: ár aýdanda bir-birden jáne kólik qozǵalysy kóp Qyzyljar aýdanynda 2-ýi qoıyldy. Qajet bolǵan jaǵdaıdy polıtsııa qyzmetkerleri maketterdiń oryndaryn aýystyra alady. Jarqyldaýyq maıaktar alystan júrgizýshige kórinedi. Bul – kólik ıelerine qaýipti ýchaskelerde jyldamdyqty azaıtyp, nazardy kúsheıtýi qajet ekenin eskertedi. Nátıjesi bar, júrgizýshiler arasyndaǵy tártipti nyǵaıtýda tıimdiligin kórsetti», - deıdi SQO PD jergilikti polıtsııa qyzmeti basqarmasynyń bastyǵy Aıdyn Baımatov.