SQO joldarynda 60 shaqty «aqyldy» beınekamera iske qosylady

PETROPAVL. QazAqparat – Soltústik Qazaqstan oblysynda jolda júrý erejelerin buzýdy tirkeıtin 60 shaqty apparattyq-baǵdarlamalyq keshen jumysyn bastaıdy, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, joldaǵy tártipti qadaǵalaýǵa kómektesetin «aqyldy» beınekameralar Petropavlda 16 qarasha kúni saǵat 00.00-de qosylmaq. Osylaısha polıtseılerdiń beınetehnıka parki 58 nysanǵa kóbeıip otyr. SQO ákimdiginiń qoldaýymen 28 jańa apparattyq-baǵdarlamalyq keshen men qoǵamdyq qaýipsizdikti nyǵaıtý úshin 30 kamera joldarǵa ornatyldy. Jańa apparattyq-baǵdarlamalyq keshender jyldamdyq rejımin buzǵandardy, toqta syzyǵynan ótip ketkenderdi, baǵdarshamnyń tyıym salynǵan belgisin elemegenderdi anyqtaýǵa arnalǵan.

«Aqyldy» tehnıka avtomatty rejımde zańbuzýshylyqty tirkeıdi, kóliktiń markasy men memlekettik nómirin anyqtaıdy. Jyldamdyq ólsheýishter eki jaqqa baǵyttalǵan jáne 250 km/saǵ deıingi jyldamdyqty buzýdy tirkeı alady.

«Jol júrisi erejelerin buzýdy tirkeıtin 28 apparattyq-baǵdarlamalyq kesheni jáne 30 qoǵamdyq qaýipsizdik kamerasy ornatyldy: respýblıkalyq joldarda 8 apparattyq-baǵdarlamalyq keshen, 14 – Petropavl qalasynda, 2 – «Zııatkerlik qıylys» júıesi, 4 - «Leg júıesi». Bul keshender Petropavlda jáne respýblıkalyq mańyzy bar joldarda jumys isteıdi», - deıdi SQO PD protsessıngtik ortalyǵynyń aǵa memlekettik avtoınspektory Juldyz Baǵyt.

Turǵyndar jańa «ıntellektýaldyq» beınekameralardyń ornalasqan jeri týraly tolyq aqparatty áleýmettik jelilerdegi SQO Polıtsııa departamenti men Ákimshilik polıtsııa basqarmasynyń akkaýnttarynan taba alady.