SQO joldarynda bıyl qysta 300-den astam tehnıka jumys istemek
SQO polıtsııa departamenti baspasóz qyzmetiniń málimetinshe, bul jumysty ákimshilik polıtsııa basqarmasynyń qyzmetkerleri jergilikti atqarýshy organdarmen, jol ıelerimen jáne merdigerlik uıymdarmen birlesip júrgizdi.
Tekseris barysynda tártip saqshylary jol tósemi men jol belgileriniń jáne qardan qorǵaıtyn qalqandardyń jaı-kúıin qarady, sý ótkizgish qubyrlardyń qarmen basylyp qalmaýyna mán berdi.
«Avtomobıl joldaryna jaýapty uıymdardyń bıyl ótken qystaǵy jaǵdaıda eskergenin kórip otyrmyz. Borandarda jáne kóktaıǵaqta jumys isteıtin arnaıy tehnıka sany ulǵaıtyldy: respýblıkalyq mańyzy bar joldarda - 120, oblystyq mańyzy bar joldarda - 108, aýdandyq mańyzy bar joldarda — 100 qar tazalaý tehnıkasy jumys isteıdi. Merdiger uıymdar jetkilikti deńgeıde qum-tuz qospasy jáne hımııalyq reagent te daıyndady», - deıdi SQO PD ákimshilik polıtsııa basqarmasy bastyǵynyń mindetin atqarýshy Erlan Mádıev.
Tártip saqshylary kólik júrgizýshilerine qys mezgiline daıyndalyp, qysqy shınalardy ornatý qajettigin eske salady.
«Aýa raıy boljamyn jáne tótenshe jaǵdaılar qyzmetiniń habarlamalaryn qadaǵalańyzdar, kóktaıǵaq qaýpi týraly bilip júrińizder. Qolaısyz aýa raıynda sapardy keıinge qaldyryńyz, jol júrý qajettigi bolǵan jaǵdaıda kórinýin eskere otyryp, yqtımaldy jyldamdyq rejımin tańdańyzdar», - deıdi Erlan Mádıev.
Buǵan deıin SQO-da aıaz-boranda jolda qalǵan júrgizýshiler men jolaýshylardy qabyldaıtyn 213 jylytý pýnkti jumys isteıtinin jazǵan edik. Sondaı-aq joldaǵy qaýipsizdik úshin Jol kartasy qabyldanyp, oǵan sáıkes qalyń qar jaýǵan kezde ákimdik tótenshe jaǵdaılar jáne polıtsııa departamentimen kelisim boıynsha avtojol ýchaskelerinde qozǵalysty shekteý nemese jabý týraly sheshim qabyldamaq.