SQO jylda ımporttan shamamen 65 mlrd teńge joǵaltady

<p>PETROPAVL. KAZINFORM &ndash; Soltústik Qazaqstan oblysy ózin azyq-túlikpen tolyq qamtı almaı otyr. Astyqty óńir sanalatyn aımaq qaraqumyqtyń 80 % shetten satyp alady. Bul týraly Petropavlda barlyq deńgeıdegi ákimderdiń qatysýymen ótken jıynda aıtyldy.&nbsp;</p>

SQO ekonomıka basqarmasynyń basshysy Qýanyshbek Qalıjanovtyń aıtýynsha, óńir jylda negizgi taýarlardy shetten satyp alý arqyly 65 mlrd teńge shamasynda qarjy joǵaltady.

«Mysaly, búginde oblys ózin qus etimen tek 46%, shujyq ónimderimen 22%, súzbemen 27%, qaraqumyqpen tek 20% ǵana qamtamasyz etedi.

Biz birinshi kezekte qajetti ónimniń 65 túrin zerttedik, onyń 25-in ózimiz óndire alamyz. ıAǵnı aýdan-aýyldarda kásipkerliktiń osy túrleri bos, aınalysyp, tabysqa jetýge bolady», - deıdi Qýanyshbek Qalıjanov.

Osyǵan baılanysty, basqarma basshysy aýdan ákimdikterine árbir aýyldyń naryqtyq áleýetine taldaý júrgizýdi usyndy.

«Taldaý barysynda jergilikti halyqtyń naqty qandaı taýar men qyzmetke qajettiligi; eńbek naryǵy, ıaǵnı turǵyndardyń jumyspen qamtylý deńgeıi, ortasha kirisi; básekelestik - naryqta qandaı ónimder men qyzmetter usynylǵany; avtojoldardyń qoljetimdiligi; ónimdi óndirý men saqtaýǵa qajet energetıkalyq resýrstardyń bolýy; halyq sany, sonyń ishinde jasy men áleýmettik toptar anyqtalýy kerek», - deıdi Qýanyshbek Qalıjanov.

Mamannyń aıtýynsha, eldi mekenderde kásipkerlikti damytýdyń tıimdi quraly retinde «Aýyl amanaty» jobasyn alýǵa bolady.

«Jobanyń artyqshylyǵy - aýyl sharýashylyǵy kooperatıvterin qurý múmkindigi. Kásipkerliktiń bul nysany iri naryqqa shyǵýǵa, jalpy óndiristik shyǵyndardy jáne táýekelderdi azaıtýǵa, básekege qabilettilikti arttyrýǵa múmkindik beredi. 2023 jyly iske qosylǵan jobaǵa qazir SQO boıynsha 92 aýyl qatysyp jatyr. 1,8 mlrd teńgege 236 joba qarjylandyryldy, 249 jumys orny quryldy.

Osy 236 jobanyń 136-sy mal sharýashylyǵyn damytýǵa baǵyttalǵan, sonyń ishinde 450 shaqty iri qara mal, 1,5 myń qoı-eshki, myńnan astam jylqy, 1,5 myń taýyq satyp alyndy. Bul kásipkerlikti damytýdyń osy túrine baǵyttalǵan jobalardyń 50% astamy. Alaıda biz óńirdiń qajettiligin eskerip, sol ónim túrlerin ózimizde shyǵarýymyz kerek», - deıdi basqarma basshysy.

Buǵan deıin Petropavlda barlyq deńgeıdegi ákimderdiń qatysýymen ótken is-sharada nashaqorlyqpen kúres máselesiniń kóterilgenin jazǵan edik.