SQO jastary Konstıtýtsııanyń mańyzdylyǵy týraly aıtty

PETROPAVL. QazAqparat - Petropavlda Qazaqstan halqy Assambleıasynyń jalpy respýblıkalyq naýqany aıasynda «Konstıtýtsııa - Qazaqstan halqy birliginiń kepili» atty dóńgelek ústel ótti, dep habarlaıdy «QazAqparat» HAA tilshisi.

«Uly Dala Eli - Táýelsizdiktiń 25 tiregi» atty aıtýly merekege 25 kún qalǵandyǵyna oraı uıymdastyrylǵan is-sharaǵa QHA SQO jastar qanatynyń ókilderi, M.Qozybaev atyndaǵy SQMÝ stýdentteri, etno-mádenı birlestikterdiń músheleri qatysty. 

«Qoǵamdyq kelisim» qoǵamdyq birlestiginiń basshysy Ásemgúl Esqoja, naýqannyń basty maqsaty - Qazaqstan Respýblıkasynyń negizgi Zańdaryn zertteý arqyly qazaqstandyq biregeılikti qalyptastyrý ekendigin atap ótti.

Sonymen qatar, dóńgelek ústel barysynda Qazaqstan Konstıtýtsııasynyń damýy, sot bıliginiń konstıtýtsııalyq negizi, medıatsııa jáne óńirdegi etno-mádenı birlestikterdiń qyzmeti jaıly aıtyldy.

«25 juldyzdy kún barysynda 18 oblystyq is-sharalar josparlanǵan. Eń aldymen, beıbitshilik, dostastyq jáne kelisim, elimizdegi etno-mádenı birlestikterdi damytýdyń mańyzy týraly aıtatyn bolamyz. Qoǵamdyq kelisim forýmy, «Jyl járdemshisi», Prezıdent kúni jáne Táýelsizdik kúnine oraı jastar naýqany, etnostardyń oblystyq forýmyn ótkizý josparlandy. Іs-sharalar 10 myńnan kem emes turǵyny bar aýdandarda ótedi», - dep málimdedi Ásemgúl Esqoja.