SQO jastary Germanııadaǵy ekologııalyq agroqurylymdarda tegin tájirıbeden ótedi

<p>PETROPAVL. KAZINFORM &ndash; Petropavldaǵy M.Qozybaev atyndaǵy Soltústik Qazaqstan ýnıversıtetiniń 8 stýdenti jaqynda Germanııada, jarty jyldyq taǵlymdamadan ótedi. Halyqaralyq jobaǵa búginge deıin 70 stýdent qatysty.&nbsp;</p>

LOGO e.V. odaǵy arnaıy baǵdarlama aıasynda Germanııanyń ekologııalyq agroqurylymdarynda álemniń túkpir-túkpirinen kelgen aýyl sharýashylyǵy mamandyqtarynyń stýdentteri úshin jarty jyldyq tájirıbesin júzege asyrady. Jergilikti ýnıversıtet 9 jyl boıy múmkindikti sátti paıdalanyp keledi.

Petropavlda sheteldik jobaǵa qatysýǵa irikteýden ótken aýyl sharýashylyǵy fakýltetiniń stýdentterine arnalǵan nemis tili kýrsy aıaqtaldy. Sabaqtardy WFI basqarý mektebi baǵdarlamasynyń magıstri, oqytýshy Andreas Rýhsert júrgizdi. Bir aıdyń ishinde bilim alýshylar, Germanııanyń bıoónerkásipterinde tabysty jumys isteý úshin tilin jetildirdi.

Praktıkanttar kásiporyndarda jumys istep, jalaqy alady, kóp saıahattaýǵa múmkindikteri bar. Sondaı-aq jańa dostar tabady. Stýdentter úshin, tamaqtaný jáne turý tegin, sonymen birge vızalyq qoldaý kórsetiledi. Seriktestik aıasynda M.Qozybaev atyndaǵy SQÝ-diń 70-ten astam stýdenti osyndaı tájirıbeden ótti.

Buryn jastarǵa jobaǵa qatysý úshin tildi ózdiginen meńgerýge týra keletin, endi joǵary oqý ornynda ıntensıvti til kýrsyn tegin ótip, nemis tilin tez arada úırene alady. 

Bıyl sáýir aıynyń sońynda 8 bilim alýshy Germanııaǵa eńbekaqy tólenetin taǵylymdamadan ótýge attanady.