SQO: jarty jylda óndiriste 14 jazataıym oqıǵa tirkelip, eki adam mert boldy

<p>PETROPAVL. KAZINFORM &ndash; Soltústik Qazaqstan oblysynda bıyl alǵashqy jarty jyldyqta óndiriste 17 adam túrli jaraqat alǵan, eki adam mert boldy.&nbsp;</p>

SQO memlekettik eńbek ınspektsııasy basqarmasynyń málimetinshe, bıyl Petropavldaǵy «Chıstotel» JShS-de jazataıym oqıǵa bolyp, bir adam jumys ornynda qaıtys boldy. Osyǵan baılanysty qurylǵan komıssııa tergeý júrgizip, jumys berýshiniń kinásin anyqtady. ıAǵnı, kásiporyn basshysy jumys óndirisin durys uıymdastyrmaǵan, qaýipsiz eńbek etý tehnıkasyn oqytýda kemshilikter jibergen. Jalpy óndiristegi jazataıym oqıǵalardyń basym bóligi qaýipsizdik erejelerine beıǵamdyq tanytýdan bolady eken.

«Osyndaı oqıǵalarǵa jol bermeý úshin únemi tekserister júrgiziledi. Máselen ótken jarty jylda oblystyń kásiporyndary men uıymdarynyń jumysyna 176 tekseris júrgizildi, nátıjesinde eńbek zańnamasyn buzýdyń 121 deregi anyqtaldy. Jumys berýshilerge olqylyqtardy joıýǵa 67 uıǵarym shyǵaryldy. Zańdy buzǵandar ákimshilik jaýapkershilikke tartylyp, 63 zańdy tulǵaǵa jalpy somasy 11,2 mln teńge aıyppul salyndy», - deıdi SQO memlekettik eńbek ınspektsııasy basqarmasy basshysynyń orynbasary Azat Kúsherbaev.

Memlekettik eńbek ınspektorlary jumysshylardyń ýaqytynda eńbekaqy alýyn da nazarda ustaıdy. Bıyl mamandar 251 adamnyń jalpy somasy 63,2 mln teńgeden astam eńbekaqy ala almaı júrgenin anyqtaǵan. Jumysshylaryna eńbekaqy boıynsha bereshek kásiporyndarǵa aıyppul salynyp, jumysshylaryna qaryzdy tolyq óteý mindetteldi.

Buǵan deıin bıyl Ózbekstan kásiporyndarynda 101 adamnyń qaza tapqanyn jazǵan edik.