SQO jáne Aqmola oblysyndaǵy jabylǵan joldarǵa túni boıy arnaıy qospa sebildi

<p>"QazAvtoJol" UK" AQ Soltústik Qazaqstan fılıaly basshysynyń orynbasary Qanat Óserbaev óńirdiń respýblıkalyq mańyzy bar avtomobıl joldaryndaǵy jaǵdaı týraly baıandady, dep habarlaıdy <a href="https://kaz.inform.kz/" target="_blank" rel="noopener">Kazinform</a> QazAvtoJol kompanııasyna silteme jasap.</p>

"Ótken túnde kúre joldardyń jabyq ýchaskelerinde (SQO jáne Aqmola oblysynda) kóktaıǵaqty aldyn-alý úshin 111 birlik arnaıy tehnıka men 260-qa jýyq maman jumyldyryldy. Jolshylar 300 m3 qum-tuz qospasyn paıdalandy" delingen habarlamada.

Kún raıynyń buzylýyna baılanysty keshe «Kókshetaý – Rýzaevka» kúre jolynyń eki ýchaskesi jabyldy. Birinshi ýchaske – Aqmola óńiriniń shekarasynan Rýzaevka aýylyna deıin (SQO terrıtorııasy). Ekinshi ýchaske – Kókshetaý qalasynan SQO shekarasyna deıin (Aqmola oblysynyń terrıtorııasy).

Eske salaıyq, keshe saǵat 20.00-den bastap Aqmola oblysynda «Kókshetaý – Atbasar» trassasynda kóliktiń barlyq túrine qozǵalysqa tyıym salyndy.