SQO turǵyny «bank» qońyraýynan keıin 16 mıllıon teńgesinen aıyryldy

PETROPAVL. QazAqparat – Soltústik Qazaqstan oblysynda alaıaqtyqtyń eń kóp taralǵan túri – «bankten qońyraý shalý». Internette tirkelgen 342 alaıaqtyqtyń 109-y osy shema boıynsha jasalady, dep habarlaıdy QazAqparat tilshisi.

Polıtsııa departamenti baspasóz qyzmetiniń málimetinshe, alaıaqtar ózderin bank qyzmetkeri retinde tanystyryp, shottaryna bireýler shabýyl jasap jatqanyn aıtady. Sonymen qatar alaıaqtyqtan qorǵaný úshin úlken kólemde nesıe alyp, belgili bir «qaýipsiz shotqa» aqsha aýdarý qajet ekenin jetkizedi. Osylaısha, olar banktik shottan aqshany zańsyz esepten shyǵarý úshin qajetti qupııa málimetterdi alady.

«Osyndaı bir jaǵdaıda keltirilgen zalal 16 mıllıon teńgeden asty. Halyqty alaıaqtardan qorǵaý úshin aýqymdy profılaktıkalyq jumystar júrgizilip jatyr. Buqaralyq aqparat quraldarynda, áleýmettik jelilerde aqparat jarııaladyq. Ýchaskelik ınspektorlar ár jıynda turǵyndarǵa jelilik alaıaqtyq qaýpi týraly eskertedi», - dedi Krımınaldyq polıtsııa basqarmasy bastyǵynyń m.a. Madııar Harıpov.

Ol ınternettegi alaıaqtyqty azaıtýǵa bolatynyn aıtty. Ótken jyldyń alty aıynda osyndaı 403 jaǵdaı tirkelse, qazir 61-ge azaıǵan.