SQO turǵyndary kóktemniń shýaǵyn naýryz aıynyń sońynda ǵana sezine bastaıdy - sınoptıkter

PETROPAVL. QazAqparat – Soltústik Qazaqstan oblysyna bıyl kóktemniń jylýy bir aptaǵa erte keledi. Desek te, sınoptıkterdiń boljamynsha, naýryzdyń basy men ortasynda keı jerlerde aýa temperatýrasy -25 gradýsqa deıin tómendemek, dep habarlaıdy QazAqparat tilshisi.

«Qazgıdromet» RMK SQO fılıalynyń málimetinshe, jalpy naýryzda aýa temperatýrasy jyldaǵy kórsetkish deńgeıinde, orta eseppen -6-8 gradýsty kórsetpek. Al óńir turǵyndary asyǵa kútken kóktemniń jylýyn tek aıdyń sońynda ǵana sezine alady.

«Naýryz aıynyń alǵashqy onkúndiginde aýa temperatýrasy túnde -10-15°S pen -3-8°S, kúndiz -2-7°S pen -2+3°S aralyǵynda bolady.

Ekinshi onkúndikte túnde -7-12°S, kúndiz -2-7°S, keıin kún sýytyp, túnde aýa temperatýrasy -20, keı jerlerde -25°S deıin, kúndiz -9-14°S bolady.

Al úshinshi onkúndikte -5-10°S, kúndiz 0, +5°S kútilýde. Jalpy aıdyń sońynda kún jylyna bastaıdy, túnde 0,-5°S, keı jerlerde +3°S, kúndiz synap baǵanasy +2+7°S deıin kóteriledi», - deıdi «Qazgıdromet» RMK SQO fılıalynyń dırektory Qymbat Merǵalımova.

Mamannyń aıtýynsha, aıdyń basy men ortasy qarly-borandy bolsa, sońy jańbyrly bolmaq.