SQO turǵyndary bir kúndik jalaqylaryn Arys qoryna aýdaryp jatyr

PETROPAVL. QazAqparat - Soltústik Qazaqstan oblysynyń eńbek ujymdary Arys qalasynyń turǵyndaryna kómek retinde bir kúndik eńbekaqylaryn aýdaryp jatyr, dep habarlaıdy QazAqparat tilshisi.

Soltústik Qazaqstan oblysy Polıtsııa departamentiniń basshylyǵy men jeke quramy Túrkistan oblysynyń Arys qalasyndaǵy qaıǵyly oqıǵalarǵa baılanysty zardap shekkenderge qarajat jınaýdy qoldady.

«Bul kúnderi elimiz osyndaı tótenshe jaǵdaılardyń saldarynan zardap shekken qandastarymyzdyń ómiri úshin alańdaýda. Biz kez kelgen kómekke muqtaj otandastarymyzǵa qoldaý kórsetýdi azamattyq boryshymyz dep sanaımyz», - dedi SQO PD bastyǵy Marat Tólebaev.

Soltústikqazaqstandyq polıtseıler materıaldyq kómek kórsetýge bastamashylyq etti. Polıtsııa bólinisteriniń bastyqtary birkúndik jalaqylaryn aýdarady. Jeke quram da Túrkistan oblysynda zardap shekkenderge qol ushyn sozýǵa daıyn ekendigin bildirdi.

Bul ıgi isten M.Qozybaev atyndaǵy Soltústik Qazaqstan memlekettik ýnıversıtetiniń ujymy da shet qalmady. Olar da birkúndik eńbekaqylaryn zardap shekkenderdiń esepshotyna aýdardy.